ضحكة وهن
أيـا ريـحانة الـعطـر الـجديـد الـلي بـهرني وراق
مساء عتمة قلوب أعشوشبت لين انفلت طيني
مساء الضيق وحدود السواد اللي انتحر بأوراق
مـسا عـنقـودك الـضايـع وسـط ثـمرة بـساتيني
نــزفــتك والــجرح آيــه أرددهـا وصـل واشـواق
نـزفـتك والألـم ضـحكة وهـن فـي رجفة ايديني
وصـلى الـحب في محراب جرحي للضلوع وذاق
حلاوة ســكر ايــمانــي وتلاوة روح تــحويــني
قــريــت بــداخـلك صـفحة كـتابٍ لـلعـمر مـيثـاق
قــريـت ومـا دريـت انـك كـتاب ٍ صـار يـقريـني
أقــلّب صــفحة اوراقــه تــتوه بـداخـلي الأحـداق
أتـوه بـعالـمي وأسـال أنـا وش بـينـك.. وبـيني
حــكاية ورقةٍ بــيضــا تــشب وتــحتـرق إخـفاق
عـلى صـدر الـسنـين تـمر تـخط اكـبرعـناويـني
أجــيلـك والأمـل حـارس تـخيـلتـك سـما وعـناق
تــخيــلت الــطريـق الـلي يـجدد رحـلة سـنيـني
وهـبتـك أغـلى مـا أمـلك تـجرعـت الـعنـا تـرياق
تــجرعــته وصــار الـهم يـكتـب لـي عـناويـني
كـنسـت احـزانـي بـقربـك وجـيتـك قاصدٍ مشتاق
تـشابـه وجـهك وحـظي وبـعد هـذا.. نـسيـتيني
قــريــتك دفـتر أشـعاري قـريـت بـداخـلك الـفراق
قـريـتي ومـا كـفى هـمي سـكبتي عطر نسريني
أيــا ريـحانة الـعطـر الـقديـم الـلي نـثرنـي وراق
مـسا عـتمة قـلوب تـبعـثرت لـين انـفلـت لـيني
