عـزي لـمـن بــاروا بدنـيـاه الاقــراب
وقـامـوأ علـيـه يكـثـرون الـدعــاوي
وقامـوا يذمونـه بـلا ذنــب وأسـبـاب
وخابـت بهـم عنـده جميـع الهقـاوي
ماعاد له شرهه على ناسـآ اجنـاب
ويعيـش فـي دنيـاه مثـل الـفـداوي
ياصاحبـي ياعـز بالعـمـر الا صـحـاب
ياعـزوتـي لا حــان يــوم الـعــزاوي
وشبك علـي مقفل(ن)كـل الابـواب
وخليـتـنـي اكـثــر وراك الــرجــاوي
لكـون عنـدك صــرت فـاجـر وكــذاب
والا عــلـــيـــه زودن الــحـــكـــاوي
ليه شهر أرسل وألا رسـال ماجـاب
منـك الـردود اللـي عليهـا شـفـاوي
ياصاحبـي قـل مابخـاطـرك لاتـهـاب
أنـا علـى هـرج الصـراحـه هــواوي
ولاني على الاصحاب فتال الاشناب
وعـن تبـع نـاسـآ ماتبيـلـي غـنـاوي
من ماتجمل فـي شبابـه ليـا شـاب
شيـب عـن دروب المراجـل نحـاوي
والصبر ثلج(ن)من شديد الهـب ذاب
ولا حدن عليه أن وصل الحـد قـاوي
ومن ماحسب لطيب بالعمر ماطـاب
والطـيـب مـاهـو هــرج وألا مـنـاوي
قول وفعل في يوم ضيقات وأنشاب
يـوم (ن)يبيـن فيـه فـعـل الـنـداوي
يومـن تبيـن فـيـه شيـهـان وعـقـاب
بالصـيـد و يبـيـن رجـــال الـنـخـاوي
|
