الهـمـز والـمــز والغـيـبـات والـنـمـه
والله مـانــي باصاحـبـهـا وراعـيـهــا
ولاتهزني هرجـت اللـي فاسد(ن)دمـه
الـلـي دروب الحـيـا والـعــز نافـيـهـا
ماهـمـه الـعـيـب والمـنـقـود مايـهـمـه
ولاهمـتـه سمـعـتـه لا حـــل طـاريـهـا
سـؤال والجـيـم فـوقـه نـرفـع الظـمـه
شفهـا وحلـل علـى الـراحـه معانيـهـا
يمـوت داب الـعـدوا بالحنـجـره سـمـه
ولاتـقـرص الحـيـه الا مــن يبـاريـهـا
ليـا جهلـت الرجـل سـوق القـدم يـمـه
ولاجيـت بيـتـه تـبـا علـومـه تلاقيـهـا
مايقـيـم الـرجـل فــي خـالـه ولاعـمـه
والمرجـلـه وهـبـت(ن)والله يعطـيـهـا
عــن الــردا نرتـفـع لـطـيـب بالـقـمـه
وتلقـى علـوم الرجـال بــدار اهاليـهـا
وبالشعر والطيب نغرف من بحر جمه
وتفخـر بنـا رجـال بالدنـيـا نخاويـهـا
والجـار مايشتكـي مــن قربـنـا هـمـه
ودخيـلـنـا دونـــه الاعـمــار نفنـيـهـا
يالشعـر ود الخبـر مـن هاجسـي لـمـه
وعطـه علـومـي مــن اولـهـا لتاليـهـا
اقـول هـرج الحقـايـق وابــري اذمــه
ولاجمـع علوم(ن)ماهـي فيـه وغنيهـا
والله مصيبـه مصيـبـه حـيـل ومطـمـه
دنـيـا تـهـول بـهـا وتـعـيـف مافـيـهـا
مجروح جرح(ن)نزيفه مالنقطـع دمـه
غـريـت نفـسـي وغرتـنـي هقـاويـهـا
ودي اخـف الجـروح وغيضـي اطمـه
وبليـت فـي نـاس رب البـيـت باليـهـا
ومن فارق العز ضاع وعزتـي لا امـه
تعـبـت بحـمـلـه ولا طـابــت ليالـيـهـا
تلقـى عفـون البـشـر بـالـراي ملتـمـه
رؤس وعيون(ن)بلا عقول(ن)تقديهـا
مثل الغراب الخبيث اللـي علـى الرمـه
طـيـر(ن)سـوايـه كل(ن)مـايـدانـيـهـا
والمـاء ليـا مـن حضـر ماتنفـع اليمـه
ولا يجرح النفـس غيـر عنـاد غاليهـا
|
