هـلا هـلابـك يامـسـا الخـيـر والـنـور
يــاروح روحــي والعـيـون ونـظـرهـا
يامـن بقلبـي لـك بساتيـن وقـصـور
وحدايق(ن)قـام يتـطـاول شجـرهـا
عسـاك دايـم ياهـوا البـال مـسـرور
وحـيـاتـك الله بـسـعــاده غـمـرهــا
ياللي الك بالقلب همسـات وشعـور
همسات حب(ن)قـام ينضـج ثمرهـا
ياصاحبي على البطى ماانت معذور
الا بــظــروف الادمــــي مـاقـدرهــا
وان غبت يالغالي من ظروف مجبور
غيبتـك قبـل تغيـب عطنـي خبـرهـا
لابقى بغيابك ضايق البـال محشـور
والنفـس لوعـات الغـيـاب تحشـرهـا
لاغبت كـن الكـون مخلـي ومهجـور
والارض غابـوا قـدم عينـي بشـرهـا
واون ونت من مـع السـاق مكسـور
ونـت كسير(ن)كسـر رجلـه عثرهـا
كسر(ن)بليـغ ولانـفـع فـيـه دكـتـور
ومـن السقـم نومـه عيونـه هجرهـا
عليـك ياللـي عنـدك القلـب ماسـور
وعلـيـك كلـمـات الـغـلا مختـصـرهـا
|
