الله مــن قلب(ن)عـنـا الـوقـت يـبــراه
قلب(ن)بـراه مـن اقشـر الوقـت بـاري
الــوقــت ضــــده والـلـيـالـي تــحــداه
وفـيـه الـعـنـا والـهــم بـايــع وشـــاري
والـحــظ زاد الـقـلـب بالـفـعـل بــلــواه
وصبـري نـفـذ مـافـاد طــول انتـظـاري
للصـبـر حــد أن طــال وقــت المعـانـاه
ماهـي سوالـف جمـع مـال ومـصـاري
منـهـو فـعـل شـر(ن)جــزا الله يـلـقـاه
مايكـون شــئ الا الـولـي عـنـه داري
يالله يالـلـي كــل مــن ضـــاق نـاجــاه
يـافـارج(ن)لـيّـوُب عــقــب الــعـــزاري
ياعالم(ن)بالـغـيـب مــاشــي يـخـفــاه
والـنـفـس يـقــرأ غـيـبـهـا والــطــواري
تــفـــرج لعـيـن(ن)نـومـهـا مـاتـهــنــاه
وقلـب(ن)لـه بالـيـوم مـلـيـون طـــاري
وقـت(ن)تـغـيـر بـتـجـاهـه ومـمـشــاه
درب اليمـيـن الـيــوم حـــوّل يـســاري
وصـارت طيـوره تشتـبـه فــي مـزايـاه
تــرم الرقـيـعـي تحسـبـنـه خـضــاري
وبعـض الرجـال يقـول هـرجـه بعمـيـاه
ومن كثر مايكسح على الكسح ضاري
والرجـل واضــح ينـعـرف مــن حكـايـاه
الـحـكـي لــرجــال عــــرف ومــــواري
ومــن مايـعـز وتفـعـل الطـيـب يـمـنـاه
عسـى طريقـه فـي طريـق أنتـحـاري
ولـصــار مـتـسـاوي مـمـاتـه ومـحـيـاه
ودك تـحـذفـه فـــي خـلــي الـبــراري
والطـيـب قــول وفـعـل يالـلـي تمـنـاه
وعـزي لمـن ذكـره مـن الطيـب عـاري
ويــلام مــن يـقـدر ولا الطـيـب ســواه
ولا تـنـقـبـل غـيـبــه بـلـيــا أعــتــذاري
الطيـب ضلـع طويـق صعب(ن)مـعـداه
صعب(ن)على من هاب درب الخطاري
ودربـيــن معـروفـيـن مـابــه مــــراواه
طـيــب وردا والـرجــل حـــر إخـتـيـاري
يمشـي علـى مـاتـود نفـسـه وتبـغـاه
ممـشـا ظــلام اللـيـل غـيــر الـنـهـاري
والطيب حسنه وأكـرم الله مـن أعطـاه
والا الــــردا ســيّــه وجـو(ن)غــبــاري
وكل(ن)علـى فعلـه لـيـا مــات يـجـزاه
والله خـلــق لـلـنـاس جــنــه ونــــاري
ومـن ماطلـب ربـه وفـي دينـه ارضــاه
العـمـر مـاهــو دايـــم الـــدوم جـــاري
ياللـي تشـكـى مــن زمـانـك وذكــراه
الـوقــت عـبــره واللـيـالـي مــســاري
كم واحد(ن)ماجت علـى الكيـف دنيـاه
دايـــم وحــظــه بـالـحـيـاه أنــحــداري
وتــرا الـزمـن مـاهـو بكـيـفـك تـمـطـاه
إن طـاعـلــك والا تـطـيـعـه اجــبـــاري
يا كم حساب(ن)دون الاخطـا حسبنـاه
وفـيـهـا وقـعـنـا ماحـمـتـنـا الــمــداري
والادمـــي أن كـــان مــــا ربــــه أذراه
مـاعـاد لــه عــن دبــرت الله مـــذاري
|
