هالليل منـزوع خلـق وضايق(ن)بالـي
مــن جـــور دنـيــن تـحـدانـي ليالـيـهـا
امنيـن مـاروح معـي الضيـق يبـرالـي
ضيق(ن)غـدا عادت(ن)مـقـدر اخليـهـا
ولـو قلـت مافـي فـي النـاس تهتـالـي
والبـيـر جـفـت ودلــوي ويــن ادليـهـا
وارضي دهور وجفـاف وبرهـا خالـي
ومـع والدهـر والجفـاف الحقـد ماليهـا
ومـاكـنـت راجـيــه فـيـهـا ماتـهـيـالـي
وعزيـت عنهـا مــن اولـهـا لا تاليـهـا
لـعــل دارن مـاهــي لـطـيـب مـنـزالــي
يـنــهــد بـنـيـانـهـا ويــقـــل والـيــهــا
وتصـيـر لـلـبـوم والـغـربـان مـدهـالـي
لاصـــار ماتـسـتـر الـعـانـي وغـالـيـهـا
ماكل من لبس ثوب وبشـت وعقالـي
طـــال الـمـراجـل وشامـتـلـه معـالـيـهـا
الطيب قـول وضمـان القـول الافعالـي
واقـوال(ن)بــلا فـعــل مالله محـلـيـهـا
لاجيت ابـا رقـا بـراس النايـف العالـي
جلسـت نفـسـي عـلـى مـرقـاه اماليـهـا
ورجعـت دونـه مـن الـوحـده يوحـالـي
والنـفـس هـمـي بامـقـلا الـنـار قاليـهـا
ماقلـت انـا الشعـر لجـل تقيـم امثـالـي
شعري هواء النفس لا ضاقت يسليها
|
