فيـك اتصـل والخـط مغلـق لـه ايــام
وحترت مدري وش حصل في غيابك
شهريـن عنـدي غيبـتـك كنـهـا عــام
مدري وش اللي يامنى القلب صابك
وانـا عجـزت انسـاك والعيـن ماتـنـام
تسـهـر وتـطـرد ياولـيـفـي سـرابــك
حتـى بنومـي جابتـك لــي الاحــلام
وتـشـرب غـلايـه واسـتـلـذ بـعـذابـك
ومقـدر اقـول انـي بعشرتـك منظـام
قلبـي معـك لــو مارحمـتـه رضـابـك
واصبر واكابـر وارجـي الوصـل قـدام
ومهما حصـل يبقـى الغـلا والرجابـك
القـلـب بيـتـك والشرائـيـيـن خـــدام
وحـدب الضلـوع العـوج دربـك وبـابـك
احـكـم علـيـه كـــم الـعــدا بـصــدام
والله يسـعـد فــي حيـاتـك شـبـابـك
راضي على حكمك وراضي بالاعدام
ولجـل الغـلا مـكـن بقلـبـي صـوابـك
|
