الله من قلب(ن)من العام مـن صـاب
صـبــر وصـبــره مـابـقـا الا سـريـبـه
مابـاقـي الا يـشـرح الـوضـع بكـتـاب
والا بـعـال الـصـوت فــوق الجـذيـبـه
خلك صبور ان جت من ادنين وقـراب
ماهـي عليـك مــن القـريـب غليـبـه
وابعد عن البلشات ودروب الانشـاب
لاشـفـت بالمـوضـوع شـكـه وريـبــه
تـرا حــلات الـرجـل بالعـمـر لاطــاب
ون خـاب والله فـي حيـاتـه مصيـبـه
والمشكـلـه لـوكـان مافـيـه مجـنـاب
وتجلس جبر منـك المشاكـل قريبـه
لاكــان ربــي فاتح(ن)للـفـضـا بـــاب
سـوق القـدم والــرزق ربــك يجيـبـه
لا تندفـع مـن هــرج خـايـب وكــذاب
الـلــي سوالـيـفـه نـمـامـه وغـيـبـه
االسيف لـه يامـروج الهـرج مقضـاب
ولاكـــل رجل(ن)يالحـبـيـب يعـديـبـه
شـيــوخ قـــوم ولانـتــردد ولانـهــاب
وملـجـى بـعـد رب البـشـر يلجـيـبـه
كم واحد(ن)يفتـل طويـلات الاشنـاب
ولاجــا كـــلام الـصــدق ماينغـزيـبـه
وكـم واحد(ن)لضيـف مايفتـح الـبـاب
ويشـوف عيـب النـاس ويكـب عيـبـه
ولاينكسب طيب(ن)بلا فعل واسباب
والرجـل مـن يحسـب لقـدره وطيبـه
احدن يعرف الهرج من كشـرت انـاب
واحـدن ضعـيـف وبسـوالـف غديـبـه
ولاتـامــن الـحـيـه ولاتـامــن الـــداب
والـذيـب لـيـل الـجــوع يصدرقنـيـبـه
ان ماحصـل عنهـا مجـنـب ومـهـراب
ارم الهدف وحرص على انـك تصيبـه
|
