ياهبوب الشعر هبي من جنـوب ومـن شمالـي
لـي ثـلاث ايـام ضايـق بـال بــالارض الوسيـعـه
خضـي البحـر العميـق ولا تنوشـيـن الجبـالـي
الجـبـل قـاسـي وانــا مـانـي بـقـادر ذب ريـعـه
وسعي بالي مع اهل الطيب وشيوخ الرجالـي
والعمـر لـو طـال فانـي والبشـر فانـن جميـعـه
نـاس اشاورهـا ودور شورهـا فـي كـل حـالـي
ونـاس لـو اطيعهـا بالـشـور ناطـحـت القطيـعـه
اخـذن كـل الحـيـاه الدروسـهـا مــن ماجـرالـي
الثـمـيـن اشـريــه غـالــي والـرخـيـص ابـيـعـه
وعارف(ن)بالسـوق مخراجـي قـبـل مدخـالـي
ويعـرف الرجـال مـن هرجـت لسانـه والطبيعـه
كـل ماسـج القـدم مـع درب والضيـقـه اقبـالـي
تقـل انــا محـكـوم لاضيـقـه بقـانـون و شريـعـه
ماشكيـت الـوقـت يــوم انــه غـبـار ولاصفـالـي
وادري ان الوقـت مــن ماطاعـلـه لازم يطيـعـه
هيبـتـي مابيعـهـا لــو انقـطـع رزقــي لـحـالـي
ولـو مكاسـب بيعهـا بالـسـوق ردتـهـا سريـعـه
قلتها من ماحصل هـذا الشهـر ماهـي خيالـي
وهامتي عليا ورزقي ماهو مـن سنـه وشيعـه
وبالله الـلــي يـمـلـك الارواح والـدنـيـا أتـكـالـي
ملهـم الصبـر أهـل الميـت بسـاعـات الفجيـعـه
و احترم رجل(ن)سعى بالطيب لناس وسعالي
طيـبـآ نفـسـه عــن الهـفـوات والـزلـه رفـيـعـه
كـان ماجـا مـنـه خـيـر وعــز ماعـقـب خمـالـي
وكل رجل (ن) يبذل المجهود باللـي يستطيعـه
ويـن غايـب ياطـويـل العـمـر لــك مــدة ليـالـي
ياعريـب السـاس ياستـر الرفيـق مـن الهزيعـه
|
