متـى يجـي يــوم الـفـرح و البـشـاره
حـتـى نـفــوز بفعـلـنـا ســـر وجـهــار
فـعـل(ن)لـعــلام الـخـفـايــا قـــــراره
الله رب الـخـلــق عــــلام الاســـــرار
فعل(ن)على وضـح النقـى والطهـاره
مـاهـو شـهـوه والا تفـاخـر بـالاخـبـار
نـخـوا طـنـخ شيـمـت رجــال ونـعـاره
والمـوت حاصـل لـو يطـولـن الاعـمـار
مـاهــو تـفـاخـر بالـنـسـب والـتـجـاره
حـنـا اغـنـيـا بـالـعـز والـطـيـب تـجــار
والطيـب مـاهـو فــي بـيـوت الامــاره
كـم مـن اميـر وشيـخ مايكـرم الـجـار
وكم شيخ وامير(ن)شكى البين جاره
شكـى منـه جـاره ولادنـيـن الاضــرار
ودرب(ن)يميـن الطيـب واخـر يسـاره
وكل(ن)على ماترغـب النفـس يختـار
والمـرجـلـه ماتنـكـسـب بالـشـطـاره
لـو هـي كــذا يكـثـر وافـيـن الاشـبـار
مــن لارفــع فـعـل المـراجـل وقــاره
ماحدن مشـا يمـه مـن البعـد مسيـار
واللـي يحسـب كــل يــوم الخـسـاره
مـاصـارلـه عـنــد الرجـاجـيـل مـقــدار
لــو يمتـلـك مـلـيـون بـنــك وعـمــاره
الـطـيـب مايـمـلـك بـالـيــره وديــنــار
|
