انتطرتك ،،، والشنط من كل هيئة وكل لون والوجوه التايهة بين البشر يرتكز فيها النظر // حد الجنون ولا تبين ،،، ويصدق احساس الظنون **
رحت أحمل جعبة أوجاعي وأفك عني الحصار مادريت ان الحصار يزيد وآنا مسافرة رحت .. لكن ما شلت في داخلي .. غيرك شعار كنت لي أجمل وطن // وأحلى قصيدة وخاطرة ثقلت أقدامي وهي ترجف على أرض المطار أنسى أحلامي وأذكرها ع متن الطايرة **
وفي غيابي .. ماشعرت إلا بغيابك ومالمحت إلا سرابك وما بكيت إلا ع بابك **
يااحتراق الوقت / ياضيق الحناجر / يالدمار يا أمل كل الليال .. اللي اتركتني ساهرة ياسنيني اللي مضن .. فيني من الهم انكـ/ـسار يبست أطرافي .. وأشوف الغيمة جنبي ماطرة ملت أحلام العذارى اتلاشى بالنهار ولجلها أهرب من الواقع بعذر ( مهاجرة) **
وما رجعت إلا وروحي جات تعزفها جروحي والحنين اللي قتلني .. انسكب في عطر بوحي **
كنت أقراني بتفاصيلك وأنا أقرأ // نزار وإيدك تصفق وأفكاري لأجلك شاطرة ما أبي منك تجاملني وترد الإعتبار يكفي انك لا قريت أبياتي .. تنبت شاعرة رحت أحمل لي قرار .. وما رجعت بهالقرار هذنا .أرجع أدوّرني بنفس الدايرة
