خـذاك الـوقـت .. وش باقي سوى حزن وألم قرطاس

مــشاعــر تــسكــنك ..صــارت غـريـبه / حـيل مـختـلفـه

شعور أقسى من الغربه .. يخالط فيني ..ذي الأنفاس

وتــرحــل ؟ يــاعــسى الــحاضـر .. يـلم دروبـنا صـدفـه

طلبتك .. والخطأ ..مرمر ضلوعي بكل ساس وساس

تـــمر أعــذاري تــتســابــق .. تــزف الــروح مــتأســفه

أحـسك فـي مـتاهـاتـي .. دفا ..ألطف من / النسناس/

وصــمت الــبوح يــسنــدنــي قــهر وانـساب مـن كـتفـه

بـظل أرسـم تفاصيلك .. / مرايا / في .. وجوه الناس

وأتــنفــس ريــاحــينــك . . شــذاك الــعذب .. أرتــشفــه

عـرفـتك شـاعـري طـبعـك .. وكـلك طـيبـه واحساس

نـسيـتك ؟ .. لا نـساك الـموت .. أنـا الـنسـيان مـا اعرفه

تــذكّرنــي .. خـضر دربـك .. إلا مـنه .. طـغاه يْبـاس

وعــيّشــني الــفرح لــحظــه .. وســكّن داخــلي لــهفــه

تـذكـرنـي .. قـمر لـيلـك .. تـلحّفـني .. فـرش ولـباس

كــفيــف الــعشــق .. فـي نـبضـه .. هـموم كـثار مـلتـفه

تـذكـرنـي .. فـي جـلساتك .. تخيلني معك .. (جلاس)

عــيونــي مــن ســبب صـدك .. عـليـك الـدم .. وتـذرفـه

رجـيتـك . لـو حلم أغبر .. أطوف بعالمك .. وسواس

اهــو ذاك الأمــل فــيصــل..مــابـين / الـموج والـضفّه /

تـعبـت أتـقمـص الـضحكه .. أضحّي واعتذر (لاباس)

تــغادر كــوكــبي .. واصـبح كـما (الأطـرش وسـط زفّه)

تـعاقـبنـي مـثل طـالـب .. نـسى في حصّته ( كرّاس )

يثور ب (غيض ).. في وجهه .. يخلّه .. يقفي عن صفّه

(وانـا شحّات في بابك) .. رصيدي في الوصل افلاس

مــتى مــريـتنـي .. ارمـي .. عـليـه / الـرحـمه/ فـي كـفّه