طيحتني من عيونك

مـستـعجـل ٍ ليش؟ كنت بعينك أرتاح      طـيّحـتنـي لـيش؟ كنت تشوفني غير

ما كنت أبي في بحرها سفن والواح      كان الهدب غصن والدمعات لي طير

وكـنت آتـهجّد بـها والشوق مسباح      وكـان الـولَه فـي نظرها لي مشاوير

والـيوم عـزّمـت تـطلـق حسّي جْناح      وقـررت تـجعـل حـياتـي مـعك تـفكير

أدري بـي هْنـاك طـيفـي بـعد ما راح      كـل مـا نـزل مـن مكانه يصبح اكبير

نـزلـت مـن عـينـك وْأهديتني وشاح      ودخـلت مـعبـد وفـاك وقلت لي سير

كــنت أتــأمّلْك تــطرد عــني أشــباح      وصـديـت عـن عـالـمي بالحب تكدير

وأهــديــتنــي لــهفـتك ورده وتـفاح      ولــقيــت فــي رحـلتـي ويّاك تـقديـر

لـــكن أبـــسألْك وش خلاك تــجتــاح      عـوالـم الـعشـق وتـعلـمنـي الـخير؟!

طـيّحـتنـي مـن عيونك صرت مرتاح      مـا دامـني طـحت فـي قـلبك أنا بخير