العيون الحمر

لا تـــناظـــر تـــحت وبْخـــبرا      مــــيّل بْراســــك وبـــمهـــولة

!!لا يـطيـح الـشهـد مـن ثـغرا      ويـنسـكب ع الأرض مـعسـوله

وإن بــغيــت تــناظــر الـقمـرا      لا تـــطالـــع فـــوق وشّو لـــه

!شـوف فـوق الـماي وانتظرا      وغـصب عـنه يـجيـك بـرجوله

قـال عـينـك وش بها حمرا ؟!      واســـتحــيت آشــكّك بْقــولــه

!!ثـاري لـون خدوده الحمراء      مـنعـكس فـي عـينـي بـسهولة

وقــال يــومٍ غــضوا الــنظـرا      يـا حـمود امـدحـلي هـالـضولة

مـــا درابــي مْعــلق بــظهــرا      يــلعــن الله مــن نــظر حــولـه

لا صِبِحْ لا ظِهْر لا عــــــصرا      لا َالْمَغَرْب ولا الـمسَاء بْطـولـه

دخــت واســكرنــي بلا خـمرا      صــبح وجـهه ولـيل مـجدولـه

كـــاتــب لّه كْتــاب بــاســحرا      وانــقلــب بــالـعكـس مـفعـولـه

!!لا نــجم لا شــمس لا قــمرا      تـــحت لـــكن مـــقدر آطــولــه

يــوسـفي وتـليـق لـه الـبطـرا      لـي عـقوصـه جـن عـلى طوله

!!والـعشـب ينبت بها الصحرا      مــن يــحس بــلمـسة رجـولـه

أشـهق اشـهق لي طروا أمرا      واغـشى لين يقول لاحووووله
 
!وانـتفـض وأرجف وهو أثرا      يـحسـب أرقـص لـي لـفا زولـه

مـن سـنيـن أكـتب لـه الـشعرا      وصـرت به مشهور في الدولة

وأثـــره لا يـــكتــب ولا يــقرا      ولا درى الأشعار من هو له !!

قــلت واحــد زايــد الــعشــرا      قـال خـمسة وْ قـلت صفقوا له

ولو يقول أصل القطن صخرا      قــلت أكــيد وْفــكرة مــعقــولة

كـــل كــلمة فــي فــمه تــطرا      هـي جـديـدة لـو هـي مـقيـولة

ولــو يـقول حـمود مـن بـكرا      لا تــقول الــشعــر مــا قــولــه