ثير الشغب

حَرْكــاتِكَ الــقرعــا عــليْ مــا بــتمــشي      تِتْصــيوَخ وْ كــلمَا اسْألـكْ قـولِتِكْ شـو

مــا كــول خــيره هــرجِك وْ لا تِقِلْ شـي      كـل ٍ يِعَطْسِ اتْشي و عَطْساتِكِ اتْشو!!

كــانــك تــفاخــر بــانّ أصــلك قــريــشي      مَبْ كــــلّهـــا أمّة مـــحمّد قـــريـــشو

ثـــير الـــشغـــب وآنـــا عـــليّ الــتّرشّي      أبـــــــا تَرَشّاك وْ إذا قــــــلت وشّو؟!!

وشّو أبـــــوك وْ أمّك وْ مـــــا بــــحشّي      بــفشّ غــلّي وْ قــول يَا حْمــود فـشّو

مـــــداخـــــل ٍ بـــــللّهِ عــــنّي اتْغــــشّي      لا َ حْسِدْك وَ اعْدائكْ شـــماتــه يــبشّو

الــشمــس تـسألـنِي الْحِسِنْ هـو بِوِشّي؟      أو وِشّو؟ أو وشّ الــقمـر؟ قـلت وشّو

مـــانـــي بــمشّيــها و لــو قــلت مــشّي      مَبْ كــلّ شــيْ يــمشـي بِمِشّوه مـشّو

قُمْ جَلّسَ الــلي لــك مــن الــشوق نـشّي      شــهريــن لا هــم داومــو وْ لا تـعشّو

تـذكـر خـفوقـي الـلي وقـف لك و رمشّي      و ِ رِفْجِتِكْ مـا جِلْسـو مـن يـوم نشّو!!

لا أنّيَ بْحــــمزه و لــــنتــــه بِوَحْشــــي      ولا الْحـبّ رمـح ٍ مـن حـديـد ٍ واكـشّو

مرّضني حبّك أغْشَى وَ اصْحى وَ أغْشي      وتْصيبني دوخَة ْ هَل ِ السّكْر وَ اغْشو

حـــبّك مـــرض فـــينـــي تـــفشّا تــفشّي      عَسى الـلّه لا يَشْفـينـي إن كنت أغِشّو

كـــاتـــب ع درب الـــقلـــب لا لــلتّمــشّي      يــليــن أصــحاب الــهوايــات طــفشـو

والــــلي فِتَحْ بـــوّابة الـــقلـــب غِبْشـــي      لا َ يـــلوم لــو كــلّ الــمخــالــيق دشّو

مـن شـفتـك وْ رِمْشـي عَن ِ الناس كشّي      يــبنــون صــرحَ الــحبّ وآنــا أهــشّو

والله ِ أنّي فــــي مُصــــيبـــهْ و ِ بِلْشـــي      وان قـلت لا ويـش؟ وْ لماذا؟ و ِ لشّو؟

حــبّك يــهودي وآنــا مــسلــم ونـمشـي      شـف عاد مسلم مع يهودي ايْتِمشّو!!!