مزة القشطة

سلام يـــاصُبْحِ رْمُضـــانُ وْ مــزّة الــقشــطه      يـــالـــذة الـــنعـــناع والـــينـــسون والــقشّاط

آمـرنـي .. إنـت الـمعـركـه والـسيـف والخطه      وانـا وْ عـيونـي عـسكـرك ورْمـوشـك الضباط

تـــبي تَعَرْفِ الْفـــرق بــين الــرّز والــحنــطه      إنــك إذا تْمــددت فــوق بْســاط يـعنـي سْمـاط

أوّلْ مَ تَجْلِسْ فــوقَه وَحْدَه تْصــيبـها غـبطـه      وْ وَحْدَهْ إذا روّحـت بـاسـت مِ الْولـه لبساط!!!

والله الــعظــيم انــي أبــد مــا واطـن الـغلـطه      لــكنــي مــن كــثْر اغْلـطاتـك عـاشـق الأغلاط

حـتى اسْمـك الـبادي بـفاءُ وْ مـنتـصف بالطّه      كــلمــا بـغيـت ازْقـرك أشـرق قـبل اكـمّل فـاط

ومن يوم مسمعتك تسمّي الشُرْطه الشَرطه!!      وانا أسمّي الشُرطي شَرطي واجْمعه أشراط!!

لا يِحْزِنِكْ مــفتــاحــك الــلي طــاح م الـرّبـطه      ولا يِزْعِلِكْ قِفْل الـحقـيبـه الـلي قبض في الباط

تـدري الـسبـب لـيهِ ارْفـضت تـتْبطّل الشنطه؟      تــغار مــن روجــك ومــن فـاتـورة الـخيّاط!!!

كـل شـيْ تـلمْسـه أو تـشوفـه يـنبـسط بسطه      حــتى اسْأل الــعيــن وْ دبـيْ وْ جـدّهِ وْ دمـياط

حــتى الــطفــل لــي راسـمنّه بـيدك الـرّهـطه      طــلع مــن الـلوحـه وفّر مْن الـفرح لـقمـاط!!!

مــشكــلتــني وهــقتــني يــا كــبْرهـا سـقطـه      لـو تـدري شُو مْسـوّبّي مـا صـابـك أبـد إحباط

مــن شــفتــك بْمــربـاط وآنـا سـيّدي بْورطـه      صـايـر أقـبّل راس كـل من جاي من مرباط!!!!