اشياء ماتنقال
حلا وَاحْلا .. غلا وَاغْلا .. تـقول الـهولـو والـيامـال
يـموت إمـن الـضحـك لا قلت:عطنا وجه يالغالي
وْ مـصيـبه انـي إذا جـانـي مـن الـنشـوه أزيـدِ خْبال
بـدل مـا قـول لـه إقـرب أقـول إبـعد منِ خْبالي!!
حـــرام انّه إذا ســـلّم وقــال أهــليــن جــيف الــحال
نـقز قـلبـي عـلى كـتفـي تِقِلْ واحـد منِ عْيالي!!!
والى مـن قـال أحـبك مـوت أسـوي أشـياءِ مـا تنقال
أقـل شـي إنّي م الـفرحـه أفـرّه فـي الهوا عْقالي
واذا شــفتــه بــعد غـيبـه مـن اللهفـه والاسـتعـجال
بـدل مَا اسْأل عَنَ احْوالـه أسأله كيف أحوالي!!!
واذا قالَ اشْ سبب هالغيبه قلت آسف مريض الخال
وانـا مـقطـوع مـن شجره ولا لي عَمْ ولاخالي!!
حـــسيـــبي الله كـــلمــا قــال أســمنّك تــرى رجــال
دعــيت الله أمــوت ولا تــخذلــه يــوم أفــعالــي
مــن الأشــراف فــيه الــهيــبه والـتعـظيـم والإجلال
إلى شفته تِقِلْ ..هالشمس وش نزّلها من عالي!
