مسك دار الزين

مـعجـب ؟ نـعم مـعجـب .. ولاني بقمّط        قـلبـي .. لأن الـفرصة مـا تـيك مـرتين

مـغرم بـها مـن فـوق لا تـحت لـلوسـط        لــدَرْجَة أنّي آسـمّيَ الـسبـت لـثنـين !!

مـن حـسنـها أي كـلمـه تُكـتب بلا نـقط        بـسهـولـه تـنطـقها بنقطَه وْ نقطين !!

ولـوفـي الـنسا من حسنها الربع إبسط       مَااحْتـاجـت الـنسوان حنّا وْكحل عين!

حــلوه ولــو كــل الـنسـا مـثلـها ضـبط        مــا كــان رجــالٍ خـذالـه حـرمـتيـن !!

لــــو أنــــفرد فــــيهـــا خلاوي لـــنقّط        نـقوط أهـل الـعرس وآصـوم شـهرين

ورفـجه.. مـن الـفرحـه لـفصّل واخـيّط        خـلقـان مـن قـوس الـقُزَح لـلمحبين !!

كــلمــا اوقــعت عـينـي عـليـها تـلخـبط        حـتى انّه قـلبـي ينقسم صدق نصّين !

لــوّل بـهَا يْهـلّي ويـفرش لـها الـبسـط        والـثانـي م الـغيـره يـطعـنه بسكّين !!!

شوفو الحسد لاجت تبا المشط.. تنشط        كــل آدوات الـغرفـه وتـصف صـفيـن!

تـلقى العطريدعي عسى الكَسْرهالمشط        وتــلقى الــجمـيع يـقول آمـين آمـين!!

مــا خـلّت ابـداً زيـن فـي الـغيـر يـنحـط        سـبحـان ربـي كـلّ شـي جـنبـها شـين

واســتغـفر الله لـو تـبا الـريـح تـصفـط        يـميـن مـا كـثّر حـكي تصفِطِ إيمين !!!

بـكتـب لـكم جـملـه وْ ضعوا تحتها خط        لــو وزّعــت أخلاقــها ع الــنســاويـن

كــل بــنت عــزبــا والاّ مِطّلّقــه شــرط        عـليـها يـتضـارب شباب الْمِسِلْمين !!!

تـعالـو شـوفـو يـوم تـمشي على الشط        الــبحــر يــتخــبّل والاحــياء والـطيـن

حــتى الــسَّمــكْ يِتْعــمّدِ بْجــنبــهَا يْنـط        يدعي عسى ياربّ تصطادني الحين!!!

مــب عــود كــمبـودي وهـندي مـخلّط        هــي مــسك دار الــزيــن ولّيـن ولّيـن

عـبد الـصَّمـدْ..ألْقُرْشي لو شافهَا اشَتط        سـكّر مـصانـعْ عـطرَه وتْحـوّل العين!

لا شــفتــها أفـرح نـعم وانـبسـط بـسط        وكــلمــا تــقول آهــا أنــا قــول آهـين

أشــخبــط آشــخبـط أشـخبـط أشـخبـط        واثــرنّي أرسـم قـلب يـنزف وحـرفـين

أرسـم قَلُبْ فـي الارض وان جـات يلبط        يــصيــر لــه راسٍ وأعــين ورجـليـن!

لــو أنــعطــي مــليــون أو أنّيَ ابْســط        إيــدي عــلَى يْديــها أبـختـار لـيديـن !

وشــلون لاَ وْفــستـانـها الـلي مـخطـط        كـل خـطّ به يغدي لي أفعى براسين!!!

فــتنــه وكــل قــطعَه بْجــسمــها تـنقّط        نــشا عــسل سـكّر وحـلوات بـحريـن!

فــتنــه وكــل قــطعَه بْجـسمـها تـورّط        سـلّة فـواكـه فـيهـا كل صنف نوعين!

وتــعبــت انــا مـن كِثْر مـاشـيل واحـط        حــمّالـي لا ذقـت الـبلـح لا و لا الـتيـن

وِتْعــبت م الـحسـبَه وْ كِثِر مـا سـتعـبط        فـردي الـرقـم مـا يقبل القسمه ع ثنين

مــافــيه حـلْ .. إلاّ انّي أطـلع بـها خـط        أنـوي بـها للحج واشرد بها الصين!!!