حبوب

حــبوب....مــتواضـع وطـيب وحـساس      ولْ..ولّ..وش هـالـحسن يا ابن اللذينا!!

لـو وزّعـوا حـسنـه عـلى كـل الأجـناس      مـا شـفتـوا والله صـورة إنـسان شـينـه

إيــه ِإنْت ..لا..لا..إنـت بـوخـدّ قـرطـاس      و إنــت الــذي جــالــس هــنا يـا أخـينـا

تـدروا الـدلـع لي فيه لو صب في كاس؟      كــان انـقسـم كـاسـين واصـبح ثـنيـنه!!

من حسنه لو سلّم على واحد من الناس      صــاحــوا يــا حــظّه كـلّ أهـل الـمديـنة

قـمر..وإذا شـافـه الـقمر صابه هوجاس      وأصــبح هلالــين وغــدا حــاجــبيـنه!!

ولـو تـنزرع ضـحكـته في الخلق بقياس      مـا شـفتـوا نـفس فـي الخلايق حزينة!!

مــكرْ..مــفر ..مـقبـل ٍ..مـدبـر ِ احْسـاس      وان هو ضحك غِرْقَ البحر في السفينة

حـرب ٍ مـا بـين إيـده ووجـهه والأنفاس      والــشَّعــر لــي نــازل عــلى بـيرعـينـه

كـــأنـــها غــزوة بــدر تــقرع أجــراس      يــوم انــتصــر الإسلام ع الــمشـركـينـا

سُكّر..وإذا شــافَه الـمِلِحْ شـقّ الأكـياس      مِن ِ الـــقهـــر يَصْفِقْ عــلى راحــتيــنه

عـسل..وإذا شـافـه الـنحـل نكّس الرأس      ثــم انــحنى يــحبــي عــلى ركـبتـينـه!!

شــقي..لــطيــف خْفــيّف الــدم..مــياس      أيـــا جـــمالـــه..يـــا حلاتــه..يــا زيــنه

حــتى انـه مـن حـسنـه إذا شـال كـراس      جــاه الــقلــم يــركـض وقـبل يـديـنه!!!

يــعنــي مِنَ الآخــر..يـلوعـالـرمـل داس      م الــغيــظ تــلقى الــغيــم عـرّق جـبيـنه

حــاشــا أبـوه إنـسان وأمـه مـن الـناس      هــذا الـقمـر والـشمـس هـم والـديـنه!!