هَدْ هـدّي هَدْ هـدْ هدّي هدْ هدْ بالهدا      إســـتهــدي وتــهيّد وهــاود واهــتدي
 
مـاهُوبْ كـدا ماهُوبْ كدا ماهُوبْ كدا      مــــا هــــكذا تـــورد لـــبل يـــالَجْوِدي
 
لــو هُدهُدِ سْلــيمـان شـافـك مـا هـدا      حــرّم عــلى ذرّيــته تــاج الـهدهـدي!!
 
طـــفول وِِتْفـــاطــا وطَفْطَفْ واهــتدا      طَفْ طفْ لطيف الطفطفه وْطفّ وْهِدي
 
يـعنـي انْها بلبناني هَايْ مش أي حدا      بــطرانــه تــتعــيّل بــها لــو مــهتــدي
 
ولا ســوّي فـيهـا شـيّ وِيْقـالِ اعْتـدا      مـن ستة اشهر معتكف في مسجدي!!!
 
عـمري هـدى روحـي هـدى كلّي فدا      هـدى هـدى ويـنك هدى يَا انْتِِي ابْعَدي
 
اتــعمّد اغْلــط بـسمـها وازقـر هـدى      ودي اجــــرْهــــا لــــلكلام ونـــبتـــدي
 
وان شـبّت الـغيـره وقـالـت من هدى      قــلت آآ.. هـدى الاسلام ديـنِ مْحـمّدي
 
صـافـحتـها وروّحـت بـلحـق ع الغدا      وانّي بلا صـــابـــع ولا كــفّ اعْضِدي!
 
ثرها صبوعي اللي اقبضت حيلِ بْيدا      وهـي مـن لُطُفْهـا وافـقت تـاخذ يدي!!!
 
فـي خـصرهَا يْضـيع الـخبـر والمبتدا      وفــي عــينــها يــستــغفـر الله حُسّدي
 
أصــــبّر قْلــــيبــــي هِدا إهــــدا هِدا      واصـــبّر عْيــونــي هِدي إهــدي هِدي
 
قـــلبــي يــهدّدنــي يــفجّر لــوردا !!      أمّا عــــيونِي بْلــــنتــــحار تْهـــدّدي !!
 
حــتى الــبحــر لا شــافــها مــتمـدّدا      ع الـشاطـي.. ألغى الجزر وامتدّ الرّدي
 
يــبغــي يــدشّ بْفــمهــا والــمقـصدا      تــتفـل ومـن سـكّر شـفاهـا يـنعـدي !!!
 
كـــرْ كـــرّ وتـــكركـــرْ وكــرّر واكّدا      وانــا كــأنّي صــلب وســط الــموقـدي
 
واقــف وحــيد آواجــه اربـع اجـودا      عـــينــي وخــفاقــي ونــفســي وِكْبِدي
 
لـــــوّل يــــلبّيــــني هلا يــــاســــيّدا      والـــيوم انـــا الـــبّي هلا يـــاســيّدي!!
 
يـنزل صـبي عـينـه بـقلـبي وْ يصعدا      وانــا صــبي عــينــي حــليــله مْقـيدي
 
حــتى الــسهــام الـلي عـليـهِ مْسـدّدا      بـالـعكـس ردّت لـين صـابـت أوردي !!
 
وانـا قـسم كـل سـهم صـوبـي يوردا      أحضَنْه كن م المدرسه جاي اُولدي !!!
 
بــسّ ارْكــدا بـسّ ارْكـدا بـسّ ارْكـدا      يــللّه ارْكــدي يلله اركـدي يلله اركـدي
 
تـدرو بـأنْ برج الجدي لي في المدى      لــجل انّهِ يْشــوفــه ســقط فـوقِ بْلِدي
 
طــاحِ بْدبــيّ وْ غـيّرو إسـمَه وْ غـدا      فـي الحال برج دبيْ بدل برج الجدي!!!
 
مــاكــلّ غـيمـه مـاطـره فـيهَا ارْعـدا      لـــكنّهـــا تـــمطـــر إذا فــيهَا ارْعــدي
 
ولـو كـلّ مـن اسـمه سـعيـدٍ يـسعـدا      غــيّرت انـا وسـمّيـت نـفسـي أسـعدي!
 
قـولـو لـه لا يـكتـب بـشات الـمنـتدى      ودي اشــوفــك يــاحـبيـبي فـي الـغدي
 
يـكفـي انـه فـي عـقلـه يـحدد موعدا      ولا يــــــخبّرنــــــي ولاَ يْخـــــبّرْ حَدي
 
وانـــــا قــــسم بلله لا لــــبّي الــــنّدا      ويـلقـانـي أتـريّاه حـسب الـموعدي !!!