أعــواد كــبريت

يـا ريـح هـدّي اللعب في داخلي ميْت      مَ قـويـت دفـنه والأمـل صار مقطوع

يـا ريـح صـار الـحب أعـواد كـبريت      كـلٍّ شـعلـها واصـبح العشق مفجوع

الـــنار تـــحرق كــل شــيٍّ بلا كــيت      والـحلم غفلة ينسرق وانتفض جوع!

حـلمـي رغـيفي يوم صبحي عفاريت      والـليـل جـرحٍ داخـلي يضوي شموع

ضـيّفـت جرحي ماي عين المصاليت      لـو طـاح دمعي بارق السيف مطبوع

والـفرش ضـلعـي والشرايين له بيت      مـن نام فيني يزعجه صوت موجوع

صـوتـه حـنيـني لـذنب عاري تمنيت      مـا كـان غـيمٍ يـدمي الموق بخشوع!

كـن الـخدود الـسمـر سـجادتـه/جيت      والـدمـع عابد ساق ملح الرجا طوع!

جـيت الـسوالف أطرق أبواب يا ليت      طـاحـت لـهاتـي وارتعد شي مسموع

وعـشوشـبت دنـياي ضـيقة وغـنّيت      (سـكة طـويـلة)والوطن حلم ممنوع!

الــعوق خـيلٍ بـالـميـاديـن لـه صـيت      يـصهـل بـضلعي كننا ف كر ورجوع

لو كان صدري نار..رمشي ترا زيت      دخّنت جرحك دامه الجرح مشروع !

لـمي حـصاد الـصيـف بـرقٍ وتنكيت      غــيمٍ يـشح بـوجـه خـطوات لـجذوع

ويـلف عـنق الـسالـفة بـعود كـبريت      فـوق الشفايا تنتحر صمت ودموع !!