حزن ما طال من جرحي سوى دم القصيد وسال

رضى لـجلـك نـزفـته لـين مـا امحل شراييني

ارق مـا بـلل ْجـفونـك غـدالـه فـي جـفونـي جا ل 

شـربـته لـين ظـنّيـته بـحر طـوفـان يـرويـني

عـشانـك يـا غلا مـريـم تـركـت الـحزن بـي يغتال 

وجـوه الـحب وأحلامه لجل من ادنس يديني

عـشانـك يـا غلا مـريـم سـكنـت ْبـوحشة الأطلال

 بلاد الـهم والـضيـقة غـدت داري وعناويني

عــشانــك يـا غلا مـريـم تـمنـيت الـفراق ْوصـال

 ولـكن للآسـف مـا كـان قـربـك لـي يـجديني

فـي بالك ويش يكون اللي جبرني فيك لجل اختال 

وأنتي من سكب عطري علي بابي وتركتيني

نـعم مـريـم أنـا راحـل .. أنـا مـا جـيت لـك محتال

لـجل ما تطعني بصدقي وتذلّي الكبرياء فيني

آنــا آمــا أجــي كــلي، حـبيـب واب وعـم وخـال

وأمـا جـعلـها ْسـنيـنك ابـد مـا تـلتـقي سنيني

احـبك بـس يـوم انـك سـكنـتي الـبال ضـاق الـبال 

دخـيلـك لـيه قولي لي نثرتي الملح في عيني

أنـا شـاعـر مـن عـروقـي نـبت زهر الغرام ْظلال

 خـطر لـو طفت بخدودك خطا مرّة تجرحيني

أنـا شـاعـر ،اطرّز لك خيوط الشمس ثوب وشال

تـباهـي بـين تـرفـات الـصبـايـا بي وشوفيني

أنـا شـاعـر،ولـي هـامة وصـبري مـثل صم ْجبال

 إذا تـاهـت بـك الخطوة0 تعالي لي وسكنيني

جـهلـتيـني،وأنـا الـلي لـو عـرفـتيني وتقولي قال 

تـفّز الأرض مـن حولك زهر نادي ورياحيني

تـرى مـا الـوم بـك نفسي إذا حظي غدربي ومال

 وأنـا مـا ألـوم بـي نـفسـك إذا انتي جهلتيني

أنـا مـا أقـول غـير أن الـصبر ربي خلق له ْرجال 

وأنـا لـو مـا صبرت أش فايدة ابكي وتعزيني

تـرى جـرح الكرامة بي، لمس دم الخفوق وسال

 نـزفـته حـبك ْبـدمـي عسى تمحل شراييني!