قطر خذت شاعر المليون

( قـــطر ) تـــغنّي عـــلى لـــيلاي      وكــلْ لِشْعــرا بــاسْمَهــا يْغـنّون

أرض الـحسـن والـشجـر والماي      يكفي اخطفت ( شاعر المليون )

الـــورد فـــي دربـــها مـــرمــاي      ولـلضـيف تـرفـع غـصن زيتون

أحـــسّهــا فــي ضــلوعــي نــاي      تــعزف وانـا اقـول يـاهْل الـعون

قـولـوا لـها : الـشاعـر اللي جاي      مــن ديــرتــه يْحــبّهــا بـجْنـون

ذوّبْتـــــها سُكّره فــــي الــــشاي      ورشـــفتـــها بْحـــرفَنَه وفْنــون

أمـــشي ويــغنّي عــلى مــسراي      خــلف الـقفـص قـلبـي الـمفـتون

واذا تِبـــعْثــرت شــفت اعــضاي      حـول اسـمهـا الـعذب يـجتمعون

( دوحة حــمد ) يـالـحن بـشْفـاي      يــاعــشْق فــي داخـلي مـخزون

يــذوب فــي الـحنـجره وْبـدْمـاي      وتْصــحْصــح بْشــوفـته لِعْيـون

جيت أسبق اخطاي شفت اخطاي      بـــــتْرابــــك الــــيوم يِتْحــــنّون

ولــو تـفهـم الـناس مـعنى بْكـاي      كــان اقــبلـوا بـأرضـك ايـصلّون

قـــبل الـــفرح قـــلت يـــامــولاي      ومـــرّيـــت مــاكــنّهــم يــدرون

كــانــوا يِعَرفــون وش مــعنــاي      ودّي ( قـطر ) تكسب المضمون

وغــنّيــت انــا وقــلت : يـالـيلاي      ( قـطر ) خـذت شـاعـر الـمليون