 |
قسم متنوع شعبي
عشق العيون |
|---|
عشق العيون
شبَّاكها واقفْ على حزن انتظاره شهورْ
والشارع الخايفْ من آثار القدم مهجورْ
وبصمتها راحتْ .. وجتْ
نادَتْ عليه .. ولا حكتْ
وتساءلتْ
ليه المطر ما زار كل هالدورْ
والسورْ .. ليه السورْ
من كم سنه مكسورْ
ولوحدها
ظلّت تداري خوفها
ساعة تنادي الريحْ
ساعه الريح تطرق بابها
من أخّره
قال ابيجي
من كم شهرْ .. أو كم سنه
أذّكره
قال ابيجي
واتنطّرت عيني على شبّاكها والبابْ
مرّت عيون .. وصادفت عيني كثير أغرابْ
ولا لا .. ما هو كذّابْ
راجع .. ما هو كذّابْ
عشق العيونْ
لا ما أظنه لا .. لا ما يخونْ
صحْ الليالي متعبه .. والإنتظارْ
وصحْ الأمل لا ساح في عزّ النهارْ
تزهر معه أقصى الضنونْ
ياااااااا أنتْ
يا الوجه الحنونْ
خذ ما تبي ..
كل ما تبي
إلا العيونْ
خلْها بعيونك تلتقي
ولا شافتك عيني تمونْ
خذها وخيّطها الجفونْ
ما اضن بعد عينك عيونْ
ما اضن بعد عينك عيونْ
|
|
|
| | |
