يــا (( بــحر )) بالله جـيتـك ..شـايـلٍ حـزن ٍ عـميـق
جـيت أذّكـرك .. بـعهـودك .. والقسم اللي قسمته
جـيت لـك .. أحـمل عـتابـي..مـن صديق إلى صديق
لـو قـدرت أكـتمـه فـيني .. كان ..طنّشت وكتمته
يا (( بحر )) .. مو كنت ليّه صاحب وأغلى عشيق؟
يـوم قـالـوا عنك خاين .. قولهم رحت .. وهملته
كــنت أجــيك أشــكيـك .. لـما فـينـي الـدنـيا تـضيـق
ذا جزايه؟..بحت سري لك وفي الآخر علنته ؟؟
بـإخـتصـار.. أبـغي أقـلك..( داخـل أحـشائك شقيق )
رد لـي أغـلى الـخلايـق .. لي من الدنيا انتزعته
كـنت أسـامـحك .. بـبراءه .. رغـم احـساسي بضيق
لـما ابـني فـي رمـالـك .. قـصر وبـموجك هدمته
كــيف عــاد ألـحيـن بـقدر أحـتمـل .. لا مـا أطـيق؟؟
كـل ذنـبٍ .. جاني منّك _غير ذا_ قمت وغفرته
كـان قـصده مـن سـفرتـه..//يـرتـشف زهر ورحيق/
يــتجــول فـي .. الـموانـي بـس مـاكـمّل رحـلتـه
لــين مـوجـك لـف جـسمـه .. مـابـقى لـه حـتى ريـق
مـا حـسبـت حـساب ناسه اللي ينتظروا رجعته؟
ذاك الـــلي فـــي حــياتــي .. كــان لــي أخ ورفــيق
قـلّي بـس وش تـستـفيـده لـما بـأحـضانـك دفـنته
لــي حــضر يــبهــر بــنوره كــل شـيٍ فـي الـفريـق
ومـن رحـل عـن هـالـوجـود بـكامـل الـدنيا بكتّه
فـجأةٍ.. مـل الـحيـاه .. وصـار فـي شـرعـك غـريـق.
مـاتـخاف الله .. يـالـلي مـن حـضن أهـله حرمته
كــان مــثل الــطيــر الــلي فــي الــهوا حــرٍ طـليـق
مـاعـرف إلا الـسعـاده..لـيه فـي سـجنك سجنته؟
مــاتــحس بــلوعة أهــله؟؟ .. خــانـقنـهم هـالـشهـيق
ويـن مـالـدوا بـسمـعهـم .. اسمعوا عالي ضحكته
كــل شــي يــبكـي فـراقـه.. حـتى هـالـبيـت الـعتـيق
فـي زوايـا الـدار .. (ذكـرى) للأمل تبقى نظرته
أمــه الــلي .. مــن رحــيلــه فـي لـواهـيب وحـريـق
ولأ ابـوه الـلي يـداري عـن وجـوه الـكل حسرته
ولأ اخــوانــه يــلمــحوا صــورتــه وســط الـطريـق
تــخنـق الـعبـره جـفنـهم.. لـيه م الـدنـيا أخـذتـه؟
ولأ انــا الـلي .. أدعـي الله لـيتـه بـس لـحظـه يـفيـق
عـفت دنـياي بـغيـابـه .. مـاهو بس ليل وسهرته
عــطنــي لــو ذره أمــل ..ألــقاه .. لــو لـمعة بـريـق
اعـطنـي بـاقـي حياتي .. وكل عمري لك رهنته
