أنا ما ضمدت جرحي وسادة ليلك الحالك
حشا والله ما غطى صدر هذا الألم جلباب
أنا ما جيتك بهمسي أوقظ صمت تمثالك
كفاية وما جرى يكفي تعال وصك هالأبواب
تعال وشيل في العتمة بقايا من هدب شالك
نسيته يوم ما كنا نسامر طيشنا الكـذاب
وخذ هذا العهد مني عساه يكون ذكرى لك
شطبت اسمك عنوانك وصورة تسكن بأهداب
لأنك ما تساوي بيت من شعري وأمثالك
..قسم بالله ما كانوا في يومٍ يسكنوا لي كتاب
حكاية عاد افهمها تراك انته هنا الهالك
وإذا فكرت ترجعلي تكون انته بعد منصاب
كذا هذا الزمان البور يصور لك وهن حالك
كذا حتى السنين الممحلة تاخذك هنا بْغياب
ألا ياسيد أفعـــــالك تهاووا فيك عذالك
وناموا في عيونك لين صار الوقت بك غلاّب
أنا لاقلت لك حرفي تريث اجعل آآآآمالك
تسابق كل جرحٍ في دروبك وتصبح المنعاب
أنا لو ضمدت جرحي وسادة طبعك الحالك
حشا والله مانسىّ صدر هذا الألم جلباب
سالم السيفي
|
