غصه مكبده

[كاملة البلوشي]

اقدم لكم هذا القصيده بفن الرزحه واتمنى
تنال اعجابكم

سميـت بالمغني الغني عزوجل*** خالق سماء هالكون وبلا اعمده

واذا ذكرته سيدي خير الرسل*** هبت على قلبي هبوبه بارده

الشكر واجب بالمحن مهما حصل*** لازم علينا في الشدايد نحمده

قلبي على جور الزمن قد اكتهل***وبعض الخلق قلوبهم متجمده

ياالادمي بنشدك عن حبل الوصل*** عند القرايب ليش دايم جاحده

مسكينه اللي شالتك وبلا كلل*** تبكي جحود الخير ياكيف اخمده

جلمود قاسي هالقلب قطعة جبل*** ماترف عينه على الجفا متعوده

قلبي على ولدي زلالٍ انهمل*** وابني عقوق الكون كله حاشده

الدمعه اللي تنحبس ماتنهمل***من كل احساسه الحنان اتجرده

تفتف فوادي والجرح ما مندمل*** واصبح فراق الخل غصه مكبده

واللي لقى عن عز خلانه بدل ***ما يدوم عزه دام جاحد سيده

لاتشغلك سلمي عن وصال الاهل*** في وصلهم تبقى حياتك مرغده

لاتغرلك ناسٍ ولو فاحلا حلل*** لقلوب سوداء وبالحيل متصفده

الصدق في بعض الضماير اضمحل***والضحكه اللي ترتسم متفسده

بعض الموده بدرها قد اكتمل *** وتعيش في كنوز الهوى ازمرده

بعض الموده اتعيشك بالمعتقل *** الفكر والاحساس كلها مقيده

لاتقول حرمه وماعليها متــّكل*** وايد رجالٍ بالنساء متعضده

العصر ماشي متزن مافي خلل*** عقولنا في الكون بو متشرده

يمشي نظام الكون بالحكمه ومهل*** واجب علينا كل دقيقه نوحده

واختم كلامي بالذي خلق النحل ***وخلا على عرش الخليه قايده