عشق أبدوي

[عبدالله العمري]

المشاركة الأصلية كتبت بواسطة إحساس شاعر

يا ويلي من بنتا" ناضرتها عيوني في هالصباح وأنا على النيه
هزت مشاعري وأشتدت أركوني بنت ناس لها هيبه وشخصيه
لو سألتوني عن حالتي وشلوني بقول مغرم وهايم ف الرومنسيه
صرت أكتب الأبيات وأردد ألحوني كل ما صادفتها ف الروحات والجيه
إن جيت ابى أتغزل لا تلوموني عشق أبدوي وأصل عاداته أبدويه
تايه في ملامح حسنها ومفتوني ريم البداوه أسحرتني عينها الكحليه
والشعر جذاب والخشم مسنوني والمشاعر صادقه أخذيها هديه
يمكن شطر القصيده ماهو بموزوني لكن أببدع في المضمون والقافيه
أختمت قولي والله في عوني وإن كنت غلطان فالغلطات عفويه

أهلا وسهلا أخوي أحساس شاعر منور

بالنسبة للقصيدة تفتقد للوزن لكن بالقراءة المستمرة والإستماع راح توصل

لوزن القصيدة بشكل جيد...

طبعا لما تكتب حاول تلحن على أي لحن وتتبع وزن البيت الأول بالأبيات اللي بعدها


والأفضل إنك تحاول تشوف أحد قريب يجيد الشعر ويعلمك لإن التطبيق أجدى


لك الود