إدخل وأكتب تعليقك على الكلمات ببيت شعري أو أي شي ((( الوطن )))

[سالم الوشاحي]

هنا أسجل أبيات عن الوطن لشعراء
نعرفهم جميعاً



للشعر كلمه تعبر عن مشاعرنا



يقول الأمير خالد الفيصل:

لاح يوم الوطن والعز لاح
وكلمة الله على البيرق تلوح

يوم الاسلام يا يوم الفلاح
والوطن كل روح له تروح

فوق الايمان ركبنا السلاح
والمقابيل بالخافق تبوح

الله اكبر مثل ضرب الرماح
سيلت في خفى الباغي جروح

,


يقول الامير بدربن عبد المحسن

الله الاول وعزك يا الوطن ثاني
لأهل الجزيرة سلام وللملك طاعه

حنا جنود الحرس للقايد الباني
رمحه.. ودرعه وكف الشيخ وذراعه

مثل السيوف البواتر وان جنى الجاني
يضرب بها ارقاب من بالدار طماعه

من بان عبد العزيز وصبحنا باني
ما عاد نقبل ضلام الليل لوساعه

في السلم يشهد لنا عمر الاوطاني
وفي الحرب لارواحنا للموات بياعه



,



* وهذه قصيدة للوطن من شعر نوال الراشد:

مرحبا بالحرف في حب الوطن
مرحبا واغلى تراحيب القصيد

يا بلاد في ذرا العليا سكن
منبع للنور والمجد التليد

هو غلاك اللي كسب روحي رهن
او دريت العمر في حبك يزيد

بانقش الشيله من حروفي لحن
كان يكفي او تبي دم الوريد

في ترابك كم لهت كفي زمن
ذكريات كنها لي يوم عيد



,

* ويقول الشاعر عبد الله السلوم رحمه الله:

اليوم هو يوم الوطن يوم الافراح
يوم تجلى فيه معنى السعاده

يوم غلاه مداخل كل الارواح
في كل عام يزيد حبه زياده

له قصة توج هدفها بالامداح
متلاحم فيها الوطن والقياده

قصة بطلها ما توقف ولا ارتاح
حتى بنى مجد الجزيرة وشاده

,


ويقول الشيخ محمد بن ابراهيم «الوافي»:


راية الاسلام بالعز منصوره
ودولة التوحيد بظلال قايدها

شرعنا الاسلام من عهد اخو نوره
البلاد اللي على الشارع وحدها

من بحر جده الى راس تنوره
ومن ورا الخرخير لطريف وحدها

الامام اللي مساعيه مشكوره
سيرة المختار جاهد وجددها

بعد مية عام من وضع دستوره
كل شبر سيرة الليث جودها

يالله انك تسقي العود وقبوره
واحفظ الباقين في عز وايدها


,