كلّ حزن أدري معآه ان القصايد راح تكثر ،‘

[فاطمة العامري]

الأمس كله رآح شوق و هواجيس ،،
والحزن اظنه واضح فـــ ابيآتي
/
واليوم رد النور من قلب باريس
مَ احلى عمان بــ جيتك باباتي ^^

8/5/2010

[فاطمة العامري]

/

يـا ذكريـاتي بس .. أرجوك .. كــافي !!
كل ليلة باسبابــــك انا اقراك ... و اسـهر


/


واليوم عندي درس .. يا موعدي الوآفي
يمكن تجي و استرجع الدرس .. أكثــر

\

وينك قبل لآ انـام ! بتخوني وتْجافي ؟!
مثل البشر صرتي ؟ عالم صدق يقهر

[فاطمة العامري]

حزينة بس رآح أحبس دموعي لْـ موعد اللقيا
........................ عشان اطلق سراح الصمت وبوحي ع الحكي يقوى

واذا ما حان موعدنا ، و وقْفَتْ عندي الدنيا
........................ تعال ارجوك متأخر و شوف غيابك اش سوى

[فاطمة العامري]

سهـــل نبني على شاطي البحر قصر ... و بعض أحلآم
و اذا الامواج ما هدمت اكيــــــــد ::الواقع:: ابيهــدم ،
\
صعب نحلم و ثم نصحى .. و نلقى كل حلْم حْطـــــام !!
و الأصعب لو نحس بكل جزءٍ فيــنا يـــــــتحطّــــم ...
/
[ وجع ] لو أصبحـــوا مآضي ،، و مرت مظلمة الأعوآم
و مروا بك مثل ذكـــرى ، اقدمت .. بس بعدهـا تألــم ،،
\
ترى أحلامنـــا نعمة إذا كآنــــت تجيــنا نيـــآم ،،
و هي نقمة إذا ما كنــت صاحي ، و فوقها تحلم
/
ألاقيهم مثل من كان يحلـم طول عمره و قآم
يمد إيده يصآفح (( حلم )) / يمر الحلم ما يْسلّم

[فاطمة العامري]

معطين جرحي ما بدر منّهم [ شـح ]
................. و آنـا بعد ماني أقصّر.... || عنيـدة ||
و إن كان ظنوا بالأذى زوّدوا [ جرح ]
................. م الجرح زادت في رصيدي .. || قصيدة ||

[فاطمة العامري]

/
تعاهدنا قبل اربع سنين فْـ مثل هذا اليـوم
نصون الحب لي ف قلوبنا وكآن المطر شآهد
\
و كل ما أمطرت من يومها تبكي علينآ غيوم
لأن اللي رحل هوْ دنيتي ما كان بس (( واحد ))
/
و انا تحت المطر قلبي احسه مُرهق و محموم
على نفس العهد ينطر و بعده ينصدم " ما حد "
\
قسآوة هـ المطر دايم تبكيني و بحزن دووم
و قلبي يحترق لكن يطآلع كل شي بــارد
/

21 / 12 / 2009

[فاطمة العامري]

\
/

‘سامحيني يا جروحي لو طرق قلبي الباب ‘
لي شهور ألاحظهْ يلمّح بأن دمه خفيف ،،
\
حب يدوّر كمّ يسوى و قال بيجرب غياب
واهوَ عارف هـ القرار اشقد مرعبني ومخيف
/
قال : يمكن يذكروني يحسوا بان -فلان- غاب
شفتي يا جْروحي ؟ اقلك !! صار انا قلبي سخيف..
\
يذكرونه ؟ ليش يعني ؟ شاب و غافلني الغراب
ولا شفتي ثلج مسقط في وسط فصل الخريف .. ؟
/

[فاطمة العامري]

(( 1 ))

حسبي الله ع الذي في القلب كان
كثر ما منّه أخذ .... ما يكتفي
\
شف ذكرته و آآنا داخل الامتحان
فيني نــااارٍ ، عمرها ما تنطفي
/
يومي أبغيها الإجابة لي تبـان
لعوزت لــ العقل كلْها أرففـي ،
\
من مكان أجري وراها لي مكان
لييين موقع راحته أصبح خفي
/
تشبهه اللي سكن قلبي عشان
هو بعد لامن بغيته => يختفي

((2))

دكتوري جآني أمس و أغرقني بـ المدح
يثني و يدعي صف لي المدح كلمآت ،،
قال انّه يلمحني وانا أهتم بـِ الشرح
وأكتب وراه صفحات / صفحات / صفحات
و آنا عيوني دووم ع دفتري صح ..
بس انتبه واكتب ؟ أيا ليييت هيهات
أقرب لي سطح الشمس من إنّي آآدح
واللي امتلى به دفتري قصييد و أبيات

((3))

الدوام يقول : انتي ما نويتي ؟؟
نبتدي صفحة جديدة ولا كيف ؟
قلتله : مابي سوى ترجعني بيتي
وقتها كني فـ لندن أو جنيييييف

[فاطمة العامري]

توّقع أي شي [ قلبي ] .. و كم مرة بكرر ؟.. يوووه !!
.................... ترا تعبتني بـ طيشك / وفاك الـ [ زاد عن حدّه ]
مَـ دام ان الفقير اللي مَـ يملك أي شي .. حسدووه
....................أجل مثلك طبيعي ينحسد ع [ طباع ] من كــدّه ..

[فاطمة العامري]

إختفت آخر سفينة عن مدى عيني ، و رآح
حبنآ اللي تحدّى جرح مغروس .. و شجي

و يوم لوّح لي الفرح يبكي يوّدع فـ الصبآح
جيت إنته يا حبيبي ،، توّها الناس و تجي !!