كنا حبايب

[خليفة الصائغ]

للحب خمره صب لي منه " كوبين "
بسكر واكون فواقع الحب ظافر


والشوق لك موج ن ومرفأه لك عين
ولما اجي مرفاك اهيم واسافر



كم في ضفاف الوجد آهات ، وتبين !
اعظم جيوش الحب كلها اتضافر


كنت انتظر غيم العشق ، والمحبين
ف ثنينهم ما كان لي حظ وافر


كنا حبايب .. ونتزاعل ... وبعدين ؛
صرنا مثل موجب وموجب تنافر


كنت اعترف بإني عشقتك ، تقولين ؛
الجوع كافر او ترى العشق كافر


ما هو مهم أصلا علامك تسألين !
الاسئله خيط (ن) تكشفك لقافر


من كثر ما كنت اعترف لك الى الحين
حتى التعب فيني من الوجد " طافر "


وكنتي تحسبين القصائد تظنين
باني من احساس المحبين نافر !


بس ﻻ تحاتي هين كنتي تحاااتين
ايام ... وآهات الحناجر .. تزافر


بكره نموت .. نصير ذكرى وغالين
وحتى القصائد جات حافر ف حافر


واكتب قصائد دون معرف على وين !
حتى انذكر اسمي فجميع المخافر


في داخلى طعنات ، صرخات وزفين
ويتصالح ن صلح " الهناه وغوافر "


من بعدها كلنا ترى بخير ، طيبين
نرسي ف أمان عمان والكل ظافر

[زهرة السوسن]

جميل ما خطه قلمك أخي الفاضل خليفة الصائغ، حيث يتجلى سحر الحب وافتتان الفؤاد به، دمت بخير.

[عبدالله الراسبي]

اخي العزيز والشاعر القدير خليفه الصائغ ابيات في غاية الابداع
صح لسانك
ودامت شاعريتك الرائعه
ودمت بكل خير وموده اخي الكريم

[أمواج]

رائع أخي خليفة

دائماً الجمال وروعة الكلمة هنا

ربي يحفظك

[أنور السيفي]

صح لسانك شاعرنا الغالي

خليفة الفارسي

لك التميز في كل حضور

مساؤك ورد ومسرات

[موسى ابومشهورالصايغ]

هلا وغلا بالابداع والشامخات من القصايد الجزله
خوي خليفه الصائغ امتعتنا واتحفتنا الروووعه
صح السانك شاعرنا الراقي

[صلاح الطالعي]

صح الله لسانك الشاعر خليفة
ابيات جميله عزيزي