الـشـعــر مـا هــو بُحُــورٍ وقافـيّــــه

[حسان الحوسني]

يــقــولـوا سمعنـا مــن تفـرّد بأشعــاره
وغنّـى طــرب حتّـى تـوارت تدابـيـره

وقـالـوا عـرفـنـــا مــن ينـافـق بأبـيـاتـه
أَبَـد مـا عـرف إن الـشـعـر لـه مقاديـره

نـعـم أعترف ماني بشاعـر بزغ شعـره
ومانــي مـثـل واحـد تفاخر بكـل ديـره

أقلّــه أنـا مـب واحـد(ن) لــه منـاقيـــده
تِسَامَـع عنـه كـل مـن تذوّق مجاويـــره

أنا لـي مثـل غيري قصيــدٍ يعرّف بــي
قـصـيـدي أحاسيـسٍ توصّــــل تعابـيـره

وشعري حَمَل نبضي وأطلق هواجيسي
يـنـادي تـرا ذا شـاعـرٍ لـه مشــاويــره

وإسمـع عَدِل يــا مــن تنجّس معانـيـنـا
وإسمـع عَدِل يــا مــن تِكَاذِب بلا خيره

تــرا الـشـعــر مـا هــو بُحُــورٍ وقافـيّــــه
ابد..الشعـر حكمة ، رزانَــة، وتسخيره

بِـزِيْنَــه!! وكـــانك مـا تِعَرفَــه ولا داري
ولانــك بكاتب لـك قصيدٍ رفــع طيــره

مني لك نصيحة أخ! تناسى هواجيسك
وإنسـى نفاقــك لِـيْ تحاوِل ترد سيـــره