ضيف سلسلة الإبداع الشعري الأول الشاعر عبدالعزيز العميري

[هيثم العيسائي]

إلى سيدة جرحي القديم :

رتَّلْتْ انا ذكْرى فراقك ليـن صـارت حَنْجـرَه
_____________ تصْرَخْ بدوني كلَّ ما ذكْرَكْ علـى بالـي خطَـر


إليك اينما ماكنتِ .. واينما اخذتك الحياة ... ...



لا للسّـفـر لا للبـعُـد لاتاخـذيـن التَّـذْكِـرَه
__________ ماقلْت لكْ خلّك معِـي وشْ فايـدة هـذا السّفَـرْ
يابنْـت لاْ تبْكِـي علـى هالذّكْرَيـاتِ االغابـرَه
__________ بعْضِ المَواجعْ تنْغرَسْ فينا كمَا غـرْسِ الشّجَـرْ
يابنْت منْ يحْيا وَهـو يحْلَـمْ حِلَـمْ وش مكْبـرَه
____________ لابدُّ ما يحْسبْ حسابـه للزّمَـنْ لـو بَـهْ غـدَرْ
وش حيْلِتي لامنْ غدَت يـدِّي قصيـره مْخـدَّرَه
___________ جالس أناظر حَسْرتي والْجرْح مـا خلَّـى نظَـرْ
جـات السَّحابـه ياعساهـا ياعساهـا مـاطـرَه
_____________وحْدِي موَكِّفْ لي يدَيْنـي أنْتظَـرْ قطْـرَة مطَـرْ
راح الفجَر ياشمْـس وش باقـي بعَـد فالذاكـرَه
__________ غلْطان منْ يبْحَث عنَ الْقَطْرَه وسَط ْ نار وْجمـرْ
بعْضِي اكَلْ بعْضي وانا ما لي سـوى هالْمحْبَـرَه
___________ اسْقي مداد الْجَرْح وانْ جفَّ الْحِبَـرْ دمِّـي حبَـرْ
شوفي وانا واقفْ علـى حـدِّّ الشِّقـا والْبَعْثـرَه
____________ لاطحْت منْ عينك ترَى ما همِّنـي باقـي الْبشَـرْ
دحْرَج غيابك فرْحتي وسْـط الرِّيـاح الْمُصْفـرَه
____________ وادْمي فؤادي عمْرِي اللي فـ انْتظـارَكْ منْهـدَرْ
يابنْت شوفـيْ لـيْ تجاعيْـد الزَّمـنْ فالْمنْظَـرَه
______________ حتَّـى تعَرْفـي مـا يسَوِّيْـه الْأسَـى بالْمنْتظَـرْ
جفَّتْ ورود الشٌّوق فـي يـدِّك وكانـتْ مزْهـرَه
____________ واضْحى نخيل الرِّيف يَبْكِي ما طلَـعْ منّـه ثمَـرْ
رتَّلْتْ انا ذكْرى فراقك ليـن صـارت حَنْجـرَه
_____________ تصْرَخْ بدوني كلَّ ما ذكْرَكْ علـى بالـي خطَـر
تغْفِي جفوني مْن التَّعَبْ وسْـط الفيافـي المقْفـرَه
_____________غافي انا وْترْسم ْ خدود الرمْل فـي خـدِّي أثَـرْ
ياسيَّدَةْ جرْحِي الْقديم.. اخْـذي ضلوعـي منْجـرَه
_____________ سوي بها برواز لك يـوم الأمـل فيهـا انْكسَـرْ
مات الصَّبَرْ طاح الهوى.. قدْ صار ما كنْت احْذرَه
______________ ياخافقـي لا مالقيـت الْلـي نشـدَّ بْـه الظَّهَـرْ
لانامـت الشَّمْـس الْحزينـه باكيَـهْ متْـكـدَّرَه
_____________ وشْ عاد باقي للنَّهـار الْلـي يـدوَّرْ لَـهْ بصَـر

/
/
/
/
الشاعر عبد العزيز العميري