ربكة أحرف العيدان

[عبدالكريم السعدي]

المشاركة الأصلية كتبت بواسطة أنور السيفي

مساؤكم خير ومسرات

كل عام وأنتم بخير

ولله أقرب


تباشير المطر لو داعبت في داخلي محزون
تمشّى السعد في نبضي وساير غايتي مزدان

تعالي بعثري حزن الليالي اللي كساها لون
نسجه الليل والحسرة ومعدل رحلته اشجان

أنا ماقول لك آسف ولاوديّ أجيب ْشلون
تمنّي لحظة أفراحي وطليّ لابسه فستان

أعدّ الورد باغصانك وأجّر السالفة بالحون
تغرّق ثغر بستانك ونادر زاهي الالوان

وألبّس آخر أبياتي جمالك وأرسمك مديون
فدى للنظرة الناعس وربكة أحرف العيدان

تسليّ وأقلبي لون الكآبه شاعر المليون
وردّي فلسفة عاشق تعلّم من دفاك أحضان

تمرّي أمسي الباهت فراشة تنثر الاوزون
تجدد نظرة أعيوني وتسلب هدئة الخيران

سلامي سالم الهاية يورّق كل عود دْخون
وزاحم غرفة أشواقك وقنّد للمشاعر بان

سمعتك دونما صوتك تصفيّن النسا من دون
وصرتي قمة القمة ورحتي تنسجين أكفان

كذا لاحام بك فكري وشاطرتي ركام مْزون
مطرتي مثلما ودق الرهام وشلتي الاحزان

فقط إعادة للجمال الذي غمر هذه الصفحة يا أبا عبدالله

و تصفيق حار جداً لكل هذا اﻻبداع. .


صح فكرك ملايين وما يسدن... كن بخير.