اقتباس:
المشاركة الأصلية كتبت بواسطة صوت الشمال
أحبائي مسائكم رياحين..
هذه فقط مطالع بسيطة
نظمتها يوما على
ورق المشاعر..
آمل ان تنال إعجابكم!!
ما تمنيت إني أغفي وفي عيوني دمعتين..
بس هذا اللي حصل لي وابتدى نزف الدموع!!
أحلف إنه ما تغير فيني لك شي دفين
كيف وآنا اللي خضع لك قلبي المخلص خضوع!!
حكم احساسك بتلقى اختصاره في كلمتين
إن ليلى تموت فيكم وإنكم وسط الظلوع!!
كيف أنا أقدر أعيش بدون أمي
دام هي قلبي وتسكن في عيوني..
مستحيل إني أنا احيا بلاها
ما نستني لو بهالعالم نسوني..
يا بوي أنا يفداك قلبي والحشا
ما أبيع أرض إنت تمشي حولها!!
أمشي شراتك كالظلال إليا مشى
لو تمشي الأرض بعرضها وطولها!!
قلبي لغير الدين ما هو بخاضع
وإنته مكانك تفتديه نعالك
وإن كنت تتوقع أجي لك وأرضى
احفر لي قبر وادفنه برمالك!!
ضمدي جرحك يا ليلى
ما بقى حقك طبيب!!
القلوب اللي تسامت
وين تلقى طبها..
أنا ماني بقايلها يا ليت إن الألم إنسان
يشوف الموت بعيوني ويعلن قصة آمالي
أنا بكتم هموم الأمس والحاضر مع النسيان
وبخفي لوعة الفرقا وبحيا وسط زلزالي
وبنكر إني إنساني وله في داخله إنسان
وبنكر إني العاشق وبحيا وسط عذالي
تحياتي ومحبتي
أختكم/ صوت الشمال
"الحمدلله كما يحب ويرضى"
|
سكب احساسي رائع بكل ما تحمله الكلمه من معنى
بالتوفيج..
08-03-2010, 11:47 AM
العرض الشجري