عايش فراقي

[سالم الريسي]

المشاركة الأصلية كتبت بواسطة منذرالفطيسي

فاضت" تفاصيـل "من عمري علـى اللي جـاي
والعمــر ٓ مـا ينـدرى بـه كـان بـه باقــي

أسامر الليـل وااانــا الليــل فــي جــوّاي
طفّــى الاحاسيـس ليـن انطفّــت أوراقي

" الوالده " شايهــا ما هـو مثــل أي شااي
لكـن .. ما عــاد مثــل اوّل فــ اعمااااقـــي

ما تنقطــع فالحيــاه الكهربـــاء والمــــاي
الّا اذا جــاء " فـراق يعيّشـــــك " شاقي

ومن غـــاااب حسّــك تكسّـــر فـ المشاعر نـااي
وانهــد حيلــي تسكّـــر بـــاب خفّاااقـــي

هذا " اليبـــاس " الـذي صافـح ضلـوع سْمــاي
يتذكّــرك زيـن ياااما كنــت لـــه سااااقـــي

وهذا المكــــان الــذي دفّــى شتــا دنيـــاي
يوكّــــد الذكريــــــات ووجهــــك الراقـــي

انــا غنـــي والفقـــر ما يـــوم زار خطــاي
لكــن جايـــع لقـــى وطعونــــي أشواقـــي

خايـــف من الخـــوف ياللـي ينحتــك جــوّاي
وخايـف عنـــاااق التعــب يتلبّــس عنااااقــي

العــرس وهــدوؤدك المزعـــج وغصْــب رضــاي
تشابــه المـــوت اللــي عــااااش فـــ آفاقــي

يمنــــاك خذهــا النصيــب ولا خـــذت يمنـــاي
واتلحّــف الصبْــر بالماضـــي واخلاااقــي

هالدنيـــا جـــرّت مدامـــع من "عجــووز وحــاي "
وش عــاد جــرّ الدمــع من شاطــيء احداااقــي

ياللـــي تغــرّق نزيــف الشعــر ويـش الـراي ؟؟!!
إلــى متــى .. هالسطـور تناظــر اغراقــي

أحـس " كلّــك " علــى هــذا الجســد متكـــاي
تتوسـّـد الروح بــك والصــدْر واعوااااقــي

فرقــاك .. أقســى حيــاه تهشمّــت فــ حشــاي
" ومن يــوم فرقــاك وآآنــا عايــش فراقــي "


منذر الفطيسي

منذر الفطيسي

نص حالم

قمة الحزن

ضربه الحب الفراق

قدر الله وما شاء فعل

تمازج العزف على الاوتار الحزينه يجعلنا نشرع باحساسك

لهذا نقف صامتون لانقوى على فعل شي

انه القدر

ياخذ الاحباب

لسبب ما وبرغبته او لحكم الظروف هي المشيئة

لنا ولك الله

وعوضت خيرا

....

[منذرالفطيسي]

سالم الريسي

شكرا .. قليله لك على مرورك الغالي

اشكر انفاسك روحك التي سبحت حول النص