انا حرف(ن) جزم نفسه وغيري يصعب إعرابه

[شاعرة الليل]

أخوي شخبارك؟
أخوي مرتآح؟
أخوي تذكر يوم كنت أقولك:
أريد أكون من الشخصيات الهامه ترى صرت منهم وأبشرك صرت الأولى فيهم
والحمدلله ألحين مآشيه على نفس طريقك
بس أخوي ما زرتني ولا هنئئتي؟
ترى أخوي أبشرك تخرجت من الدوره
شفت لما أقولك أختك قدها!
تذكر أخوي يوم زعلتك عشآني ما دخلت الجامعه!!
بس دخلت الجامعة و الدراسه مره حلوه
كنت تقول ياأختي هاذيّ الجامعه!
أحد يترك الجامعه ويدخل متطوع طيب ليش!!
قلتلك ياأخوي ما أقدر عليها آصير متطوعه
أكسب الأجر أحسن من الجامعة!
بس أنا جمعت بينهم اثنينهم
أبشرك يا اخوي أنا من ضمن المرشحين لـــ..... عآرف يا أخوي شفت أن اختك مو سهله!
يلا وين هديتي؟أمزح معاك انت عارف ان أغلى هدية رضاك عليّ
أخوي...رآضي عليّ
أخوي لا تشيل هم زوجتك ترا عندنا
وجابت بنت وسميناها.....
تراها بعيونيّ مثل ما كانت بعيونك.
وبإذن الله بتكون البنت الي تفتخر فيها!
أخوي تذكرت شغلة!!
حلمت فيك امس^..^
والله ياخوي صاير أحلى من أول
بس رحت قبل لا أشبع منك
طافك ياخوي رحت البلاد قبل كم اسبوع
ازور الأهل وشفت عند الدار واحد من الجيران
ياحليله ياخوي يقوليّ:سلمي على أخوك..^...^
أخوي تصدق ليّ ألحين فيّ كل سفرة ليّ:
إذا جيت اشغل تلفوني بعد ما نهبط وجتنيّ رساله!
عباليّ منك رساله الليّ عودتني عليها:
حمدالله على سلامتك الغالية
كلمينيّ أول ما توصلين..

سآمحني ياخوي:..!!
أنا لازم أمشي ألحين لأنهم بيقفلون المقبره...