حافظ المسكري

[خالد الكويلي]

قصيده : يالليدني
للشاعر حافظ المسكري


يا طير هيد بكتب في جناحك سطر
ووصل الى صور العفية العامرة
كلما نويت بشومه وهميت بسفر
تصور في فوادي صورة منظره
ما لذ لي مقات ولا هياني مقر
اكثر تمضى الليالي وعيني ساهره
مقدرت ابيحه من قلبي كنين السر
صابر على ما اراد الله وقدره
الله لحل الموشى سياس الكر
قسى على قلب المحب وغيره
يا لليدني بلغنا من صوبك خبر
مرادك بتبيع المرقب بصغره
ميحل لك تنادي ببستان خضر
واتملكه سفيه ميعرف قدره
له صاحب باقي وميرضا بالضرر
خصيمه اللي يحرك عوده ويكسره
واجف على عماره ويوالي الشجر
واليوم ناوي من حلاله تخسره
ماشي ذكرتوا ملجميل اللي عبر
واللادمي يرعى الجميل ويذكره
يا زاكي المعاني جيس وافتكر
لتهذر الحاسد علي وتنصره
خلي فول المواشي اللي سعى بالشر
ودعا يجينك في الفواد وصبره
عقب البريسم لا تلبس صوف وشعر
لبس ميزها بك ردونه قاصره
والقرمزي يا الناحل ما عنه عذر
ثوب لبسته في زمانك والدهر
ان كتب الله وامر بيعَود الدهر
دهر مسقني مقات العنبره
عن كان زلينا وبدا منا الغير
الادمي بخطا وريوله تعثره
شمس المنيره زلت واساب القمر
والرب يعفي ذنب العبد ويغفره
كيف بني ادم ميسمح يو بشر
غير الذي قلبه حصاة صرصره
عقب الشره ندى لكم باب العذر
سمحو الخطيه منا وقبلوا المعذره
انا في الاوله ناهم بالغير
عندي مراجيب وشهود حاضره
ما بعته ولا عطيته ملبوس الصقر
يوم الرخا واجف ذراعه بعشره
ما بالولاية ولا با باريس ومصر
محرمنهن في روايب خنصره
والمستريح يلومك ما عنده فكر
يلي ميفهم قلبه ولا يشوف ابصره
يا لائمي كف اللوائم واحتذر
انته ميربته الود ومرايره
لو مللذي في قلبي في قلبك عشر
بتركه كثر العتب ومشاجره
عوق في غيرك كنه في قمة خير
ما يمنحك دواه ولا له ماثره
صلوا على الهادي المشفع في الحشر
اللي هدم خيبر بجيشه وعسكره
يلي تناول عود في صكة بدر
وابتان مصقول رهيف البادره
نبي هاشم من لبه مظر
نرو الشفاعه منه وشربة كوثره