إعلان : مسابقة في شعر فن الرزحة

[عبدالعزيز محمد]

بسم الله الرحمن الرحيم

يسرني ويسعدني ان أقدم هذه المشاركة في فن الرزحة (في الغزل) عسى أن تنال أعجاب ورضى القارئ العزيز:
يقول بن ضاحي:

سميت به يللي خلق سبع الطباق ******* وأدعى رسمها بلا سقيفه ولا عمد

يللي تقدس أسمه ذو الجلال و فاق ****** يا من بأيده الجنه ومفتاح السعد

وقرب يا كاتب هاتلي هبشة وراق ****** بكتب مثالي وأنته عارف للقصد

بأستعجلك هيا تولم للسباق ****** قدامنا عقبه وهزاهيز ورعد

شله كتابي وأعتني على أرفاق ****** وصل شكاتي وبالمعاني مستند

للمنتدى سمع وباقية الرفاق ****** ذا منطقن قاطع مسافات البعد

بلغ سلامي للي قدرهم ينساق ****** أهل اللطافه والسجيه والوهد

لي شوفهم باهي على نور الشراق***** بلغ تراحيبن كثيراتن يدد

قل للثريا عيني طافت الأفاق ***** من بين نجمات الدنا خلقت وحد

نوره شعاني وأيزى مبرق وبراق ****** جوهر سبا مكنون في بطن الصفد

العين دانه تسابق رميها تفاق ****** صابت ضلوعي ولا طاع الالم يهتد

وأما المباسم زادتني غلق وأوثاق ****** أيزت تنادي في دجى ليلن سود

مب له مثل في بر صنعا والعراق ***** ولا ريت له مثايل في كل البلد

في وصلهم تهيض هالسعيد أشتاق ****** والله اكبر عن دوسة رهاف الخد

وفي ودهن تيازى خاطري تواق ****** وما طاعني سقم الموده يفتند

ما فادت الطبه ولا قاري وراق ****** لي زرتهم زادوا ع ميتين بعدد

قولوا لنديمي كان الأدمي أوفاق ****** وفقي تعايا حثه واجتهاد وجد

ووصله شفايه من بعد زوود العواق ****** ت الحال بالي ولا بقى لسدايه رد

وهذا جوابي ومب لي من عاده مطاق ****** من كنت يا الطارش عنا أتحمل سد

والخاتمه أختمت قيلي والصداق ******* وصلوا على شفيعنا يوم الوعد

[خليفة الصائغ]

نص متواضع للمشاركة مع اخواني الافاضل

( بن سعيد )

سميت باسمك مالك العـــرش الوحيد
تغفر لنا يوم المنـــــــــــــــايا ممطره

وانثر ســلام (ن) صافحـك يد(ن) بيد
وانقش حروف(ن)من فؤادي معبره

لين امطرت بالشعــر غيمات القصيد
وتوشحـــــــــــــــت ابياتها بالمفخره

في ذكر افضـــــــالك علينا بن سعيد
جزل القـــــــــــــوافي جاتنا متعطره

حنا زنــــــــودك تصهر يدينا الحديد
من نسل مذحج والقبــــــــائل تخبره

نوطي على ظهـر الصعيب المستبيد
وافعالنا فوق النجـــــــــــوم مسطره

وسيــــــــوفنا متوهجة فوقت الوعيد
وسهــــــــــــامنا ورماحنا متحضره

حنا بنادق لا دوت صـــــــابت بعيد
تدوي على راس الكـــــبر وتصغره

يا سيدي قابـــــــــوس يالشهم الفريد
يا غيمة (ن) بالجـــــود تاتي محدره

شفت الكرات اللي دخلت جوف الوريد
ومن صميم القلب حمـــــــرا مدوره

حبك يخالط جـــــــوفها مثل العصيد
اللي تخالطه السمـــــــــــن ومحمره

وجاك الولاء ممزوج بحروف القصيد
متلبس (ن) عز وكـــــرامه ومفخره

خليفه الفارسي ( الصائغ )