اقتباس:
المشاركة الأصلية كتبت بواسطة البيرق
(ريـــم عبري)
لـــــــّبيه ياسيد الغنادير محروز
مالك شبــيهن فــ لمزايين لملاح
صيدك من قلوب المخاليق وتفوز
متعودن تطرد على رمش ذباّح
من ينظرك يحي على طب وحروز
ولابها مع موكب الموت قد راح0
نشوة غرامك تشــــبه افيون قندوز
والبن الاشــــــقر بالمعاميل لافاح
كن الحسن إيلك عن الناس محجوز
يوسف مضى واللي بقى فيك ياصاح
لاوالله لا (ننسي) ولا حسن (فيروز)
لو يعملن تجميــــــل مع كل جرّاح
في ذمتي خلقــــــك عن الخلق مفروز
الله ميّز خلقـــتك بيـــــن لارواح
في وسط عينك جنة لخلد وكنوز
وفي بحر حسنك تايه ن كل ملاّح
وبلمح رمشك سلة السيف مهزوز
وورود خدك تنثر العطر فـــــــــــواّح
والانف سيف ن من حجر ماس مطروز
شبه المها يا أريــــــش العين سفّاح
والتــــــوت مخلط في شفايفك مع روز
ولا الثــــــــــنايا بينــــــها برق لواّح
والجيد زامي لفّه العـــــــــــقد مخروز
جيد الوضيحي اللي سفر وقت ل صباح
والعــــــــود مازر ياحلا عود هاالموز
ياللــــــــــي بصدرك يانع الثمر تفاح
خصر الظبي عن جمة الحوض موكوز
الله عليه لا هبت الكوس مــــــــياّح
كنه على راح القدم حيل موخـــــــوز
يمشـــــى على بهامه ولافيه تجراح
قلبي فزعلك لا وحى الصوت مفزوز
لبيــــّـه ياللي بمقلتي مول ماطاح
شفني نداوي وصيدتي كل جرموز
لكن طرفك يخطف القلب رمــــّاح
ياريم عبري فغيبتك صرت موعوز
ياراس مالي وشيفتك كل لارباح
صوتك شفى للي من الحب ملزوز
كنه هديل الورق بالروض صدّاح
حشمه وادب عن زلة العرض معزوز
وجهك تبرقع بالحيا حزن وفراح "
غيبـــــتك طالت أنتظر شهر مقزوز
أرقب لطيفك يشهل العين لا لاح
من طول بعدك شوّط القلب بفيوز
والراس مظلم مابقى فيه مصباح
كاف ن وبا وحا قلبها خط مهموز
دمي بها في ساير الجسم قد ناح
البيرق
@ النداوي @
|
بدون مجامله ابداع في ابداع
شكرا لك وللشعر
07-07-2012, 11:43 PM
العرض الشجري