" من النصوص الفائزة بمسابقة مجلس الشعر الشعبي ..

[فاطمه القمشوعيه]

"عليها السلام"
الشاعر نواف الشيادي


كبر الشعر //... ودموع المحابر إمام
ــــــــــــــــــــــــــــــــ وإنكسر ليل... من موقف صلاة أضلعي

قلت أبملي فراغ أحلامنا /... قبل عام
ــــــــــــــــــــــــــــــ لكن العــام هذا... مـا لحقه إصبعي

صاحبي ضاقت أنفاسي /.. وحزني تمام
ـــــــــــــــــــــــــــــ جيت أطمنك /. "تايه" بس في موقعي

أنت ودك تنام ؟!! وهالمحاجر غمام ؟!!
ـــــــــــــــــــــــــــــ دوك قلبي معاك /... وهات قلبك معي

لجل تقدر تشوف " الحزن " قبلك ينــام
ـــــــــــــــــــــــــــــ وسط عينك "مقابر"/..وإنت ميت وعي

هو ... تركت المسا يهدي لـ عيني ظلام
ـــــــــــــــــــــــــــــ قبــل ما الصبـح يهدي للضيا مدمعي

ليتني لو قدرت آشق ثوب الملام
ـــــــــــــــــــــــــــــ كان ما همني غيابك يطف أشمعي

طارت أحلامنا العذراء "عليها السلام "
ـــــــــــــــــــــــــــــ ونادت غصون صدري ليش ما ترجعي؟

صرت فم الورق من قبل أكون الكلام
ـــــــــــــــــــــــــــــ يرحم الله قلب ذاب من مسمعي

شاعر ٍ يطلق أفكاره ل قلب الأنام
ـــــــــــــــــــــــــــــ لو ّ حرفه تمرد به يجي من سعي

يعرف إنه وسام فصدر ذاته وسام
ـــــــــــــــــــــــــــــ شعره إلــ نفسه وقال : الشعر مرجعي

يسقي عقول من غيمة فكر لين قام
ـــــــــــــــــــــــــــــ جيل يحصد بعد زرعه قدر موضعي

كان حلمه يلملم سعف نخل حطام
ـــــــــــــــــــــــــــــ يوم كانت حياته من رعي في رعي

أكثره من قليل صار لـ إسمه مقام
ـــــــــــــــــــــــــــــ يلتحف في سماهـ وماهـ من منبعي

يكسر الليل عين ٍ في دمعهــا إمام
ـــــــــــــــــــــــــــــ كبر الشعر ثم صلت معاه أضلعي