(( بوحُ الذات ))

[سالم الوشاحي]

ردي على أحد الأخوة الشعراء

وهو أخي إبراهيم بني عرابة

في أحد المنتديات ....

يامرحبا حــيّ العزيز الــنجــيـــبي
وافي المعاني والخـصايـل مــهابـي

ترحيب م الخافي.. وساطي قـليبي
بــعــداد مــاهـبّــت هبوب الغرابـي

واعــداد مــانف المطر بــالصــبيبي
لاهنـت يالــشـاعر بفصل الـخطابي

قــولــك لــفـاني بـن عـرابـه عريبي
شــاعـر وتــنـهل من فــنـون الكتابي

فـاهـم مـضامين الهوى لــي يصيبي
أوقـــات يــمــشي دون أيّــة عــذابـي

وأوقــات يــرمــيـك فــمهالك نـشيبي
مـنهــن لــقيت الـيـوم طـعن الحرابي

أسهوم حبّه جــت ع خــافي لــبــيـبي
صـابـت خـفوقي يـــوم شاح أبجنابـي

هجره صعب وأصعب عليّه صعيبي
خـاب الأمــل لــي كـان فيه أحتسابي

وذعنـت لــحــكام الــزمـان الرحـيبي
مــايــســتــوي فــالـحبّ جبر وعتابي

[سالم الوشاحي]

ياعين لاتبكي مـــن الضيج عبرات
ماعاد ينــفــع مامضى وراح تاليه

الـكـلّ فـي همه غدا الليل مــابـات
سهران والعبره على الخدَ تغشيه

وين الليالي لي لها حسّ وآهــات
روّح زمان الأنس والعين تبكـيـه

الـبـارحه وقـفـت م الضيق مرّات
يـم الـغـديـر اللي تــوارت مياريه

أزقر بعالي الصوت وآلوم مافات
أهـزر واعـيد الفكر ليكون ماذيه

يـاكود من فعلي وطيت الوهيّات
مظلوم دومي كيف البوح يطريه؟

[سالم الوشاحي]

غــاب الشّفق والليل نــوّخ عــذابــه
والعين من جرح الزمن في نحـيـبـي

صــوت الــوجــع والآه أمخر عبابـه
اللـيـل للـعـشـاق فــرح وطلــيــبــــي

وآنـــا لـــ يه مــابـيـن هــم وكـــآبــه
مـدرك و.. بــيـح اليوم خبرن يريـبي

خـبـر اللـيـالـي يــوم أخـفـت غيابـــه
مـت بـحـزن والـبـيـن يـنـعـق حبـيبي