امطري أيتها الحروف فلعيد جاء ...حروف العيد بنكهة شعرية

[عبدالكريم السعدي]

يا عيد اقبل واغسل الروح بيديك
مــا دام لحظــاتك قليله ويـومــك


مبارك عليكم العيد..

[سالم الوشاحي]

العــيد من دونك ثقل دم
تكفي تعالي لي بهونك

مثلك قــــليل ونادر الكم
عطرك يكفيني و دخونك

مقوا غيابك حيل مهتم
مقدر أعيش العمر دونك

اتبين عــم أصير لك عم
كتبي ياعمي ب تيلفونك

سرك ف بير وقلت تسلم
امحال يا روحي أخونك

محتاج لك.. قولي معي تم
محتاج أنا قلبك/جنونك

أذكر بمــره قلت لي سم
لعثمتني تكفي عيونك

حبك بقلبي يزاحم الدم
سوي وسع لا يحسدونك..........




كلمات شاعرنا الجميل سالم الريسي

[فاطمة الفرعي]

للعيـــد في قلب المحبين ميــعــاد
يرسم طريقه بالسعادة والأفراح

[صالح السنيدي]

أروح ريحــة عــود قــالــوا بـنا أفــراح
الــيـوم يــوم الــعــيد والـفــرح ســاري

هــبّيت للـصحــراء أرى الــريم مسراح
فــرحــانــةٍ بالعــيـــد حــتى الـحــباري

هــلّـيـت يـا ذا العــيــد وجْـلــيت لتـراح
مــن صـادقٍ مـلـهـــوف نـــور نــهــاري

طــلّــيــت والعالم بــداء هــرج ومراح
ومــســيــت يالــصادق ســيوفٍ وطــاري

يا مـشـرق الـدنـيـا ســما الـنور وضاح
أتــخايــلـك يا عــيــد طــير الــبــراري

واتــخايــلـك ياعــيد شــمسٍ ولا طـاح
غــيـر الــضــياء منها وعــزّ الــمزاري


صالح السنيدي