الشعر الشعبي: تاجر الشنطة للشاعر حمود المهزاع النعيمي

 الشعر الشعبي: تاجر الشنطة
للشاعر حمود المهزاع النعيمي

هنّوا الوزير وبشِّروا الضباط
أنِّي انْهزمتُ وْ فازَتِ السُّلطه

مُحْبَطْ وِأَبْحَثْ عن وطن وِبْساط
تِعِبْتِ م ِ الْخَبْطَهْ ورَا الْخَبْطَهْ

ثارِي الْوفا مِنْ أَكْبَرِ الْأَغْلاط !!!
وْ ثارِي الْوَلَا وْ حُبِّ الْوطن وَرْطه !!!

واذا الْحكومَهْ سمَّتِ الْوطواط
صَقِرْ !! ترى عادي ولو بطَّه !!!

قالوا الْحمارِ اللي يريدِ رْباط
من وين يبغي صاحِبَهْ رِبْطَه

قواعدِ التَّرْفيع وَ الْإِسْقاط
وإلّآ تَكُنْ ضِدَّ اوْ مَعَ الشرطه!!!

يَعْنِي انْجِلِدْ لكن بلاشِ عْياط !!
وِاصْبِرْ عَلَى التَّصْفيع والزَّنْطه !!

الْقَهْرِ إِنْ صابِ الْمُوَظَّفْ شاط
ساعَهْ ... وِ قالوا مات بالجلطه

أَسْتَغْفَرَ الَّلهْ .. مِسْتِوِي الْإِحْباط
خُطَّهْ خُماسِيَّهْ ورا خُطَّه !!!!

وِانْ شِفْتُوا متْغَرِّبْ يبيعِ شْناط
هاذاك انا هو تاجر الشنطه