همسات شاعر - صالح الحاتمي

 همسات شاعر - صالح الحاتمي


وِرِحْتِي بْذَاْكِرَةْ هَـذَا الْمِكَاْنُ وْتَاْرِكَهْ جِفْنِيْ
إِلَىْ (عِيْنِ الْخَلِيْجِ) الْلِيْ سَرَقْ مِنْ مَسْقَطِ انْسَاْنَهْ

وِرِحْتِيْ وِالتَّعَبْ يَرْجِمْ بِدَرْبٍ وِالْوَجَعْ مَضْنِيْ
وِلَكِنْ فَاْسِكْ بْضِلْعِيْ بِقَىْ يَحْطُبْ غُصِنْ دَاْااااانَهْ

قَطَفْتِ بْدَلْوِ أَنْفَاْسِيْ أَنِيْنُ وْرِحْلِتِكْ تَجْنِيْ
ثِمَاْرِ الْبُؤْسِ مِنْ وَجْهِيْ بَعَدْ مَاْ أَيْنَعَ اغْصَاْااانَهْ


/////////////////


أَنْتِعِـلْ صَـبْرِيْ وَاهَـاْجَرْ فِيْ أَمَاْنِيْ يَـاْبِسَهْ
........................مِنْ عَلَىْ (سَعْفِ) الْفَرَاْغِ وْأَبْحُرِ الْوِحْدَهْ عَنَاْءْ
مَعْ هُطُوْلِ الْوَقْتِ أَجْمَعْ كِلِّ فَرْحُ وْ أَكْنِسَهْ
.............................فِيْ سِلَاْلِ الْوَهْمِ (أَكْنِزْ) تَمْـرَ إِحْسَاْسِيْ لُحَــاْءْ
فِيْ مَدِيْنَةْ وِحْدِتِيْ سِكَّةْ مَوَاْجِــعْ جَــاْلِسَهْ
...........................ماْحِكَتْ لِــيْ مِنْ سُــوَاْلِفْ جَدَّتِيْ إِلَّاْ بَــلَاْءْ


////////////////////////////////


لِلْوَطَن إِلْلِيْ رُمَاْنِيْ بْسَاْحِلِ الْمَنْفَىْ غَرِيْبْ
جِيْتَكِ بْزَوْرَقْ أَمَاْنِيْ وَاصْغَرَ احْلَامِيْ وَطَنْ

فِيْ مُوَاْنِيْ غُرْبِتِيْ أَسْتَنْزَفِ احْسَاْسِيْ كَئِيْبْ
لَاْ غِدَىْ الشَّاْطِيْ بَخِيْلُ .. فْكِيْفِ تَرْسِيْ لِيْ سُفُنْ

يَاْ دِفَاْتِرْ رِحْلِتِيْ... مَاْ بَرْوَزَ ايَّاْمِيْ نَصِيْبْ!!!!
سَطْرَهَاْ مُثْقَلْ تَعَبْ..فِيْ عَظْمَهَا يَنْبِتْ وَهَنْ


////////////////////


يا صديقي الكل خاين والخطا انك تجير
وتهدي قلبك للرصيف اللي يدوسه كاتبه

يا صديقي شفت لما تحبس الاقفاص طير
هذا قلبي في ضلوعي كل حزني يقصبه

كنت افكر لحظةٍ اكنس همومي واستدير.
واقول عادي راح انسى... والقى عيني ساكبه