الشعر الشعبي : يزفونك للشاعر بن المترف- يوسف البلوشي

 يزفونك
للشاعر بن المترف- يوسف البلوشي


يزفونك لاحبابك وانا يزفوني لقبري
تطيح الدمعة من عيني وتجرح خدي المحزون

يزفونك محناية وزينك كل حد يطري
وانا يترحموا لروحي ويواسو امي ويعزون

فليلة عرسك الفاتن قتلتي وردي وزهري
وقطعتي شراييني وزيدتي الجراح طعون

اناظر بيتكم لابس لباس الزينة العصري
وتخنق صوتي العبرة اتم بضيقتي مغبون

واتم بضيقتي ساكت ولاابغي احد يدري
اخاف ان سمعوا العذال يلومو فيني ويشمتون

ورحتي لوحدان غيري وبعتي حبي وطهري
فقيرولكن بطيبي اساوي لغيرك المليون

ولوانك نقصتي عمر وربي فدوتك عمري
ولوانك طلبتيني ما تغلا عليك عيون


يا اول حب عايشتة دخل في دنيتي بدري
من اول يوم انا شفتك صرت بطلتك مفتون


الا منهم طرو اسمك احس الشوق يسري
سرا بي داخل عيونك وانا بعيونك المجنون

تمنيتك تكوني لي وقلبي لقلبك الحصري
ولكن خابت ظنوني ومقسى خيبتك يظنون

حزن في خافي اكبر من انها دمعتي تجري
حزن في داخل عروقي يملي هالمكان شجون كفاية

كفاية كل دقيقة تمر سكين بوسط ظهري
كفاية كل دقيقه تمر يملا هالضباب عيون

روحي له وانا برحل بروح لحزني وقبري
اموت احسن منن اشوف حلم عمري لغيري يكون