الشعر الشعبي : حمد العويسي ،، العقود الأربعة

 الشعر الشعبي : حمد العويسي ،،،، العقود الأربعة


بأسـم العـظيم اللي أتبعنا رسوله
فـكّـاك صعــبات الأمـور بـسـهـوله

الــواحــد الـجـــبـّار رب الـبـرايـا
عـظـيم في شــأنه وفي وسـع نوله

أدعـيه لاضـاقـت عـليّ الوسـيعه
مـتخيب فيه ظـنون لي من شكوله

وأدعـيه يحفظ قائد الركب سيدي
قابوس رمز التضـحـيه والبطـوله

قـاد الـبـلاد بكـل عــزم وتـفـانـي
حتى ظهرت تسـوى ثمانـيـن دوله

أسـس مـبـاديـهـا على نهج ثابت
مـيزعزعه صرف الزمان وميوله

قابـض رسـنـهـا بالعـزوم القويه
أصـيـل والطـيّب تـنومـس فـعـوله

من يـوم ثلاثـه وعـشـرين يوليو
مـن عـام سـبعـين المجيد وحـلوله

إلـى يـومنا هـذا ومـزنـه تهـامل
هـتـّان جـوده مـاتـوقـف ســيـوله

لوكان صم الصخر ينطق .. تكلم
وأثــنـى لـقـائـدنا وقـال أخلصوله

يحق لك يـعمان يأرض الغبيراء
تيهـي مدام الفخـر يسـرج خـيوله

ومن بعـد ياسامع لبدع القوافي
فـي خـاطري مطلب وودي أقـوله

قـولوا معي مليون أهلا وسـهلا
بـعـيـد العـقـود الأربعة وبوصوله

تباشـرت جعلان حـضر وبـوادي
بعيد الوطن ياشـايـلـيـن الـحـمـوله

فـي ظـل قابوس الـذي نهـتديـبه
رمـز الفخـر والعـز رمز البطـولـه