الشعر الشعبي : تعال للشاعر راشد العيسائي

 تعال
للشاعر راشد العيسائي

تعال يامن غارق المغرم بيمك
عندي قصيده وعلى شانك مسويها

اقول فيها ياخفة ذوقك ودمك
كل النكت لي قلتها صرت احكيها

سوالفك حلوه ولحروف من فمك
ماكنها الا العصافير ترويها

من امس وانا بعطرك مغرم اشمك
هديتك كانت شرف حق مهديها

يعني وصولك معي لولا انه يهمك
ماجيت الا انك لك عيون تغليها

ودامك كذا لعيون برموشها تضمك
اسرح وأمرح بها و بأمر راعيها

قصايدي تمدحك ما يمكن تذمك
وبيوتها الجزله عشانك اعنيها

ابعثرك حب وآحاسيس والمك
وسمى القصايد مثل مانته تسميها

الشمس امك ونور القمر: بن عمك
وخالك سهيل ونجمة الصبح مخفيها

عرفت كيف شلون اشعر وأنا يمك
وهدية وصولك معي وش يساويها؟