الشعر الشعبي: شوق الطفولة للشاعرة هناء سليم

 (شوق الطفوله)
للشاعرة هناء سليم

الاياضيقتي تكفين فيني من الهموم كثار
الاياضيقه لوتدرين عني ماسكنتيني

يكفي قلبي المسكين لهاللحضه يعيش فنار
الوم الوقت يادنيا وانت هم خذلتيني

أنا مابي سوا طفلن صياحه يعتلي فهالدار
وانا مابي سوا حبن يعوضني شقا سنيني

سنيني تمر وانا انطر وانا كلي كذا اسرار
يمر الوعد والموعد لذاك الشط يرميني

يادنيا ماعرفت الحقد وصافي نيتي مدرار
ولا مره بكيت الحظ وتعمدتي تبكيني

ياليت ارجع كذا طفله ولا افكر بشين صار
ولا اعرف من الدنيا سوا لعبي وفساتيني

أروح المدرسه وأكتب مع نوره وبنت الجار
وارسم في دفاترهم وتخطف مي تلاويني

يادنيا ليه اخذتيهم وطفيتي بعدهم الانوار
وتركتيني بلا صحبه وبلا رحمه وخذلتيني

_ _