الشعر الشعبي: إحساس شاعر للشاعر مسري العامري

  إحساس شاعر
مسري العامري


إذا كنت تحبيني تعالي واسكني بحشاي
أشيلك داخلي وابعد ولا بعدك يبكيني

أحبك يا أمل فيني يجددلي أمل منساي
ويشرح للفرح باكر عن أسباب الشقى فيني

لمعتي يا أمل روحي مثل نجمة بعالي سماي
بعد ذاك الظلام الحالك اللي كان يطويني

بوادر جيتك تنكش مشاعر ساكنة جواي
وتنفض شوفة عيونك غبار الشوق من عيني

خذيتيني شجر يابس على أرض الجفا مرماي
مطرني حضنك الدافي وأورق كل ما فيني

أشوفك كالفجر يعكس على صفحة سكون الماي
و أشمك مثل أزهار الطبيعة في بساتيني

واسرح كلما طارت حروفك مثل صوت الناي
حروف اسمي من شفاهك درر وانتي تناديني !